Very good insights , sir cultural awareness very important to people to lead meaningful life.

ವಿಶೇಷ ಸಕಾಲಿಕ ಬರಹ. ಇಷ್ಟವಾಯಿತು.

ಲೋಹಿಯಾ ಚಿಂತನೆಯನ್ನು ಬೆಸೆದು ಮಾಡಿದ ಬರಹ

Terrific insights into our \'puranas\'.

ಗಣೇಶೋತ್ಸವ ಆಚರಣೆಯ ಸ್ವರೂಪ ಕಳೆದ 20 ವರ್ಷಗಳಲ್ಲಿ ಬಾರೀ ಬದಲಾವಣೆಯಾಗಿದೆ.ಪ್ರಮುಖವಾಗಿ ಡಿ ಜೆ ಸದ್ದು, ಪಡ್ಡೆ ಹುಡುಗರ ಕುಡಿತ.ಇದು ಕೋಮುವಾದವನ್ನು ಸಹ ಮೀರಿದೆ.ಗಲಾಟೆ,ಹಲ್ಲೆಗಳು ಕುಡಿತಕ್ಕೆ ಸಂಬಂಧಪಟ್ಟದ್ದಾಗಿದೆ.ಅದಕ್ಕಾಗಿಯೇ ಅಲ್ಲವೇ ಮೆರವಣಿಗೆ ಮುನ್ನ ,ನಂತರ ಒಟ್ಟಿನಲ್ಲಿ48 ತಾಸು ಬಾರ್ ಗಳನ್ನು ಬಂದ್ ಮಾಡಲಾಗುತ್ತದೆ. ಯಾವ ಸಾಹಿತಿ,ಬರಹಗಾರರು ಕುಡಿತದ ಈ ದುಷ್ಪರಿಣಾಮಗಳ ಬಗ್ಗೆ ಗಂಭೀರವಾಗಿ ತೆಗೆದುಕೊಳ್ಳುತ್ತಿಲ್ಲ.ಬಹುತೇಕ ರೇಪ್,ಕೊಲೆ,ಡಕಾಯಿತಿ ಪ್ರಕರಣಗಳಿಗೆ ಕುಡಿತಕ್ಕೆ ನಂಟಿದೆ. ಬಡ,ಮಧ್ಯಮ ವರ್ಗದವರು ಇದರಿಂದ ಆಸ್ಪತ್ರೆಗೇ ದುಡ್ಡು ಸರಿಯುತ್ತಿದ್ದಾರೆ ಸರ್ಕಾರಕ್ಕೆ ಅಬ್ಕಾರಿ ಆದಾಯಗ ಬಗ್ಗೆ ಮಾತ್ರ ಗಮನ.ಅವರ ಬಗೆಗಿನ ಕಾಳಜಿ ಬರೀ ಬೊಗಳೆ.

ಪುರಾಣಗಳು ನಮ್ಮ ಸಮುದಾಯಗಳ, ನಮ್ಮ ದೇಶದ, ನಮ್ಮ ಸಂಸ್ಕ್ರತಿಯ, ಮತ್ತು ನಮ್ಮ ಮನಸುಗಳ ಭಾಗವೇ ಆಗಿರುವುದು ನಿತ್ಯಸತ್ಯ.\r\n\r\nಕಾಲ ಕಳೆದಂತೆ ಧಾರ್ಮಿಕ ಆಚರಣೆಗಳು ತಮ್ಮ ಮೂಲ ಅರ್ಥ ಮತ್ತು ಉದ್ದೇಶಗಳಿಗಿಂತ ದೂರ ಸರಿದು, ಬೇರೆಯದೇ ಆದ ರೀತಿ ಆಚರಿಸಲ್ಪಡುವುದಲ್ಲದೆ, ಅವುಗಳು ಅನರ್ಥಕಾರಿಯಾಗಿ ಬದಲಾಗಿ, ಸಮಾಜದ ಸಮುದಾಯಗಳ ಸ್ವಸ್ಥತೆಯನ್ನು ಹಾಳುಮಾಡುತ್ತಿರುವುದು ವಿಷಾದಕರ. ಈ ದಿಸೆಯಲ್ಲಿ ಹುಳಿಯಾರರ ಈ ಲೇಖನ ಸಕಾಲಿಕವಾಗಿ ಸಮಂಜಸ ಎಚ್ಚರಿಕೆಯ ಕಹಳೆಯನ್ನು ಮೊಳಗಿಸಿದೆ. ನಮನಗಳು.

ಪುರಾಣಗಳನ್ನು ಕುರಿತ ಲೋಹಿಯಾ ,ಅಂಬೇಡ್ಕರ್, ಕಾರ್ಲ್ ಯೂಂಗ್ ಮತ್ತು ತಮ್ಮ ಅಭಿಪ್ರಾಯಗಳು ವಿವೇಕದಿಂದ ಕೂಡಿವೆ. ತಮ್ಮ ಈ ಲೇಖನವನ್ನು ಓದುತ್ತಿರುವಾಗಲೇ ತೇಜಸ್ವಿಯವರ \'ಡೇರ್ ಡೆವಿಲ್ ಮುಸ್ತಾಫಾ\' ಕಥೆ ಕಣ್ಮುಂದೆ ಬಂತು ಇಡೀ ಕಥೆಯು ಸಮುದಾಯಗಳ ಸಾಮರಸ್ಯದ ಅನಿವಾರ್ಯತೆಯನ್ನು ಒತ್ತಿ ಹೇಳುತ್ತದೆ.

ಈ ಪುಸ್ತಕವನ್ನು ಯಾವಾಗಾದರೂ ಓದಬಹುದೆಂದು ಬದಿಗೆ ಸರಿಸಿಟ್ಟಿದ್ದೆ. ಕೊರೊನಾ ಗ್ರಹಬಂಧನ ಇದನ್ನು ಹುಡುಕಿ ಓದುವಂತಾಯಿತು. ಓದದಿದ್ದರೆ ಕನ್ನಡ ಈರ್ವರು ಘಟಾನುಘಟಿ ಸಾಹಿತಿಗಳ ಕುರಿತಾದ ಒಳನೋಟಗಳನ್ನು ಕಳೆದುಕೊಳ್ಳುತ್ತಿದ್ದೆ. ೧೯೮೦ ರಲ್ಲಿ ನಾನು, ಡಾ. ಡಿ‌ ಅರ್ ನಾಗರಾಜ್ ಮತ್ತು ಬರಗೂರು ರಾಮಚಂದ್ರಪ್ಪ ಒಂದೆ ವೇದಿಕೆಯಲ್ಲಿ ಭಾಷಣಕರ್ತರಾಗಿ ಸೇರಿದ್ದೆವು. ಆಗ ಬಂಡಾಯ ಸಾಹಿತ್ಯ ಚಳುವಳಿಯ ಪ್ರಾರಂಭದ ದಿನಗಳು.‌ ಡಿ ಅರ್ ನಾಗರಾಜ್ ಬಂಡಾಯ ಸಾಹಿತ್ಯ ಚಳುವಳಿಗೆ ಒಂದು ಘೋಷ ವಾಕ್ಯವನ್ನು ಒದಗಿಸಿಕೊಟ್ಟಿದ್ದರು‌ ಬಡವರ ಕಣ್ಣೀರಿಗೆ ಮಿಡಿವ ಪ್ರಾಣಮಿತ್ರ.\" ನೆನಪಿನಲ್ಲಿ ಇಷ್ಟೆ ಇದೆ‌. ಮತ್ತೆ ಡಿ ಅರ್ ನಾಗರಾಜ್ ಅಮೃತಕ್ಕೆ ಹಾರಿದ ಗರುಡರಾದರು. ನಾನು ನನ್ನ ಹೊಟ್ಟೆಪಾಡಿನ ಉದ್ಯೋಗಕ್ಕೆ, ಸಂಸಾರಕ್ಕೆ ಕಟ್ಟುಬಿದ್ದು ಸಾಹಿತಿಯಾಗಿ ಕಳೆದು ಹೋಗಿಬಿಟ್ಟೆ. ಅರ್ ಕೆ ಮಣಿಪಾಲ್ ಕೂಡ ನಮ್ಮೊಂದಿಗಿದ್ದರು. ಆ ಚಳುವಳಿ ಉಡುಪಿ ರಥಬೀದಿಯಲ್ಲಿ ಚರ್ಚೆಗೊಳಗಾಗಿತ್ತು. ಇರಲಿ.\r\nಈ ಪುಸ್ಯಕದಲ್ಲಿ ಡಾ.‌ನಟರಾಜ ಹುಳಿಯಾರು ಅವರು ತಮ್ಮ‌ಸಾಹಿತ್ಯಿಕ ಬದುಕನ್ನು ರೂಪಿಸಿದ ಈ ಈರ್ವರು ಕನ್ನಡದ ಮೇರು ಸಾಹಿತಿಗಳ ಕುರಿತಾಗಿ ಅವರ ಶೃದ್ಧಾವಂತ ಶಿಷ್ಯನಾಗಿ, ಈ ಸಾಹಿತಿಗಳ ಕೃತಿಗಳ ಕುರಿತಾಗಿ, ಕೃತಿಗಳು ಹುಟ್ಟಿದ ಸಂದರ್ಭಗಳು, ನಟರಾಜರ ಆ ಕೃತಿಗಳ ಸೃಷ್ಟಿಯಾದಾಗ ತಮ್ಮ ಪಾತ್ರದ ಕುರಿತಾಗಿ, ಮತ್ತು ಗುರುಗಳ ಮೆರಿಟ್, ಅವರ ಸಾಹಿತ್ಯ ಕೃತಿಗಳ ಅನನ್ಯತೆಯ ಬಗ್ಗೆ ಒಳನೋಟಗಳಿಂದ ಕೂಡಿರುವ ಅಪೂರ್ವ‌ ಗ್ರಂಥ.‌ಇದು Boswel\'s Life of Johnson ಅನ್ನು ನೆನಪಿಗೆ ತಂದರೂ ಇದು ವಿಭಿನ್ನ. ಯಾಕೆಂದರೆ‌ ನಟರಾಜರಿಗೆ ಈ ಈರ್ವರು ಸಹಿತಿಗಳೊಂದಿಗೆ ಇರುವ ನಿಕಟ ಸಂಪರ್ಕ.‌ಗುರುಗಳ ಗುಣಗಳನ್ನು ಎ್ತತ್ತಿ ಹಿಡಿದಂತೆ ಅವರ ಅವಗುಣಗಳಾದ ಮತ್ಸರ, ಈರ್ಷ್ಯೆ, ಸಣ್ಣತನ, ಅಹಂಕಾರ, ಪರಸ್ಪರ ಹೊಟ್ಟೆಕಿಚ್ಚು, ಹೊಗಳಿಕೆಯ ಬಗ್ಗೆ ತೀರದ ಆಸೆ ಇವೆಲ್ಲವುಗಳು ಮುಪ್ಪರಿಗೊಂಡಿವೆ.‌‌‌ಗುಣಮುಖ, ಮುಸ್ಸಂಜೆಯ ಕಥಾಪ್ರಸಂಗ, ಕಾದಂಬರಿ ಬಿರುಕು, ಅವರ ಇನ್ನಿತರ ನಾಟಕಗಳು, ಸಿನೆಮಾಗಳು, ಲಂಕೇಶ ಪತ್ರಿಕೆ, ಇವುಗಳೊಡನೆ ನಟರಾಜರ ಆತ್ಮೀಯ ಒಡನಾಟ. ಮುಂತಾದವುಗಳು ತುಂಬಾ ಪ್ರಾಮಾಣಿಕವಾಗಿ ಮೂಡಿ ಬಂದಿವೆ. ಲಂಕೇಶರೊಡನೆ ಜಗಳವಾಡಿ ತಿಂಗಳುಗಳ ಕಾಲ ಮಾತು ಬಿಟ್ಟಾಗ ಇಬ್ಬರಿಗೂ ಕಸವಿಸಿಯಾಗಿದ್ದು, ಮತ್ತೆ ಲಂಕೇಶರೆ ರಾಜಿಮಾಡಿಕೊಳ್ಳಲು ನಟರಾಜರ ಮನೆಯವರೆಗೂ ಬಂದಿದ್ದು ಗುರು ಶಿಷ್ಯರ ಸಮಾಗಮ ತುಂಬ ಅಪ್ಯಾಯಮಾನವಾಗಿ ನಿರೂಪಿಸಲ್ಪಟ್ಟಿದೆ. ನಟರಾಜರು ಯಾವ ಮುಲಾಜುಗಳಿಲ್ಲದೆ ಈ ಈರ್ವರ ಶ್ರೇಷ್ಠತೆಯನ್ನು ಅನಾವರಣಗೊಳಿಸಿ ಪ್ರಶಂಸಿದ್ದಾರೆ, ಮಾತ್ರವಲ್ಲ ಅವರ ದೌರ್ಬಲ್ಯ ಗಳ ಬಗ್ಗೆ ‌ನೇರವಾಗಿ ಖಡಾಖಂಡಿತವಾಗಿ ಅಭಿವ್ಯಕ್ತಿಸಿದ್ದಾರೆ. ಆದರೆ ಈ ಎಲ್ಲ ತಮ್ಮ‌ಗುರುಗಳ ಮಿತಿಗಳ ನಡುವೆ ಅವರಿಬ್ಬರೂ ಕನ್ನಡ ಸಾಹಿತ್ಯಕ್ಕೆ ಕನ್ನಡ ಸಂಸ್ಕೃತಿಗೆ ನೀಡಿದ ಅಪಾರ ಕೊಡುಗೆಯನ್ನು ನಿರ್ಲಿಪ್ತವಾಗಿ, ಪ್ರಾಮಾಣಿಕವಾಗಿ ದಾಖಲಿಸಿದ್ದಾರೆ. ಕನ್ನಡ ಸಾಹಿತಿಗಳು ಸಾಹಿತಿಗಳಲ್ಲಿರುವ ವೃತ್ತಿ ಮಾತ್ಸರ್ಯ, ಪರಸ್ಪರ ಹೊಟ್ಟೆಕಿಚ್ಚು ಇಲ್ಲಿ ಸ್ಪಷ್ಟಪಡಿಸಲ್ಪಟ್ಟಿದೆ. ಡಿ ಆರ್ ನಾಗರಾಜ್ ಡಾ ನಟರಾಜ ಹುಳಿಯಾರರಿಗೆ ಪಿ ಎಚ್ ಡಿಗೆ ಗೈಡ್ ಆಗಿದ್ದವರು. ಹಾಗಾಗಿ ನಟರಾಜ ಡಿ ಆರ್ ನಾಗರಾಜ್ ರ ನಿಕಟ ಸಂಪರ್ಕಕ್ಕೆ ಬಂದಿದ್ದರು. ಡಿ ಆರ್ ಸಾಹಿತ್ಯ ವಿಮರ್ಶೆಯನ್ನು ಅಂತರ್ ಶಾಸ್ತ್ರೀಯ ಅಧ್ಯಯನವಾಗಿ ಕನ್ನಡ ವಿಮರ್ಶೆಗೆ ಹೊಸ ದಿಕ್ಕನ್ನು ತೋರಿಸಿದವರು. ಓರ್ವ ಚಿಂತಕನಾಗಿ ಅದರಲ್ಲೂ ಅವೈದಿಕ ಭಾರತೀಯ ಪ್ರಾಚೀನ ತತ್ವಾನ್ವೇಷಣೆಯ ಶೋದಕ ಮತ್ತು ಸಾಧಕನಾಗಿ ಅಂತರ್ರಾಷ್ಟ್ರೀಯ ಸ್ಥಾನಮಾನವನ್ನು ಪಡೆದವರು.‌ವೈದಿಕ ವಿಚಾರಗಳ ದಬ್ಬಾಳಿಕೆಗೆ ಪರ್ಯಾಯವಾಗಿ ಅವೈದಿಕ ಶೈವಿಸಂ, ಭೋಯಿಯಂತವರ, ತತ್ವಪದಕಾರರ, ದೇಸೀಯ ವಚನಗಳ, ಅದರಲ್ಲೂ ಅಲ್ಲಮ ಪ್ರಭುವಿನ ಆಳವಾದ ಒಳನೋಟಗಳನ್ನು ಒಳಗೊಂಡ ಪಂಚರಾತ್ರದಂತಹ ಅವೈದಿಕ ಅನುಯಾಯಿಗಳು ವೈದಿಕ ಬ್ರಾಹ್ಮಣ್ಯಕ್ಕಾಗಿ ಆರ್ತರಾಗಿ ಕೇಳಿಕೊಳ್ಳುವುದು ಇವೆಲ್ಲವುಗಳನ್ನು ವೈದಿಕ ವಿಚಾರ ಗಳಿಗೆ ಮುಖಾಮುಖಿಯಾಗಿಸಿ ಅವೈದಿಕ ತತ್ವಶಾಸ್ತ್ರವನ್ನು ಮುನ್ನೆಲೆಗೆ ತರುವುದು ಡಿ ಆರ್ ಅವರ ಅನನ್ಯ ಹೋರಾಟದ ನೆಲೆಗಟ್ಟಾಗಿತ್ತು. ಇಲ್ಲಿ ಡಿ ಅರ್ ನಾಗರಾಜ ಅವರ \"ಅಲ್ಲಮ ಪ್ರಭು ಹಾಗೂ ಶೈವ ಪ್ರತಿಭೆ\" ಎಂಬ ಶ್ರೇಷ್ಠ ವಿಮರ್ಶಾ ಗ್ರಂಥದ ಅವಲೋಕನವಿದೆ. ಡಿ ಆರ್ ನಾಗರಾಜ್ ಕೇವಲ ನಲ್ವತ್ತರ ಹರೆಯದಲ್ಲಿ ಹೃದಯಾಘಾತದಿಂದ ಸಾಯದಿರುತ್ತಿದ್ದರೆ ಅವರು ಓರ್ವ ೨೦ನೆ ಶತಮಾನದ ಶ್ರೇಷ್ಠ ಚಿಂತಕರಾಗಿ ಅಂತರ್ರಾಷ್ಟ್ರೀಯ ಮನ್ನಣೆ ಪಡೆಯುತ್ತಿದ್ದರು‌ ನಟರಾಜರು ಲಂಕೇಶ ಪತ್ರಿಕೆ ಯಲ್ಲಿ ಡಿ ಅರ್ ನಾಗರಾಜ್ ರ ವ್ಯಕ್ತಿಚಿತ್ರಣ ಬರೆದಾಗ ನಾಗರಾಜ್ ವ್ಯಗ್ರರಾದುದರ ಬಗ್ಗೆ ಬರೆಯುತ್ತ ತನ್ನ ಈ ಅಭಿಪ್ರಾಯವು ಸತ್ಯವಾಗಿದ್ದರೂ ಅವರು ಒಪ್ಪದೆ ಕೆಂಡಾಮಂಡಲವಾದರು ಎಂದು ಡಿ ಅರ್ ನಾಗರಾಜ್ ಅವರ ಬಗ್ಗೆ ಬರೆಯುತ್ತಾರೆ. ಡಿ ಆರ್ ಅವರ ಹುಂಬುತನ, ದುಡುಕು ಸ್ವಭಾವ, ಲಂಕೇಶರ ಪೂರ್ವಾಗ್ರಹ ಅಭಿಪ್ರಾಯ, ನಾಗರಾಜ್ ಅಮೇರಿಕಾಕ್ಕೆ ವಿಶ್ವವಿದ್ಯಾಲಯದ ಕರೆಯ ಮೇಲೆ ಹೋದಾಗ ಲಂಕೇಶ ಹೇಳುವ ಮಾತಿದು:\" ಅಮೇರಿಕಾದ ಒಬ್ಬ ಅಡುಗೆಯವನೂ ನಮ್ಮ‌ ದೇಶಕ್ಕೆ ಬರಲು ಇಷ್ಟಪಡುವುದಿಲ್ಲ. ‌ನಮ್ಮ ವಿದ್ವಾಂಸರು ಅಮೇರಿಕಾ ಹೋಗಲು ತುದಿಗಾಲಿನಲ್ಲಿ ನಿಲ್ಲುತ್ತಾರೆ.\" ಹಾಗೆಂದು ಲಂಕೇಶರಿಗೆ ವಿದೇಶಿ ಪ್ರಯಾಣದ ಬಗ್ಗೆ ಆಸೆಯೇನೂ ಇರಲಿಲ್ಲ. ಎನ್ನುತ್ತಾರೆ ನಟರಾಜರು. ಪರಸ್ಪರ ಸ್ಪರ್ಧಾಳುಗಳಂತೆ ಇದ್ದರೂ ಪರಸ್ಪರರ ಬಗ್ಗೆ ಒಳಮೆಚ್ಚುಗೆಯೂ‌ ಇತ್ತು. ಡಿ ಅರ್ ನಾಗರಾಜ್ ರ ಪರವಾಗಿ ಮೈಸೂರು ವಿಶ್ವ ವಿದ್ಯಾಲಯದ ವೈಸ್ ಚಾನ್ಸೆಲರ್ ಹುದ್ದೆಗೆ ಲಂಕೇಶ ಹಾಮಾನಾಯಕರ ಮೇಲೆ ಪ್ರಭಾವ ಬೀರಿದ್ದರು. \r\nಲಂಕೇಶರ ಕುರಿತಾಗಿಯೂ ನಟರಾಜರು‌ ವ್ಯಕ್ತಿಚಿತ್ರಣ ಬರೆದಾಗ ಲಂಕೇಶ ನಕ್ಕುಬಿಟ್ಟಿದ್ದರಂತೆ. \r\nನಟರಾಜ್ ಹುಳಿಯಾರ್ ಅವರು ತಮ್ಮ ಈ ಪುಸ್ತಕದ ಬ್ಲರ್ಬ್ ನಲ್ಲಿ ಬರೆದಿದ್ದಾರೆ:..\r\n\" ಕನ್ನಡದ ಬಹುದೊಡ್ಡ ಸೃಜನಶೀಲ ಲೇಖಕರಲ್ಲಿ‌ ಒಬ್ಬರಾದ ಪಿ ಲಂಕೇಶ್ ದಿನ‌ನಿತ್ಯದ ಹಾಗೂ ದೀರ್ಘಕಾಲದ ರಾಜಕೀಯ, ಸಮಾಜ ಹಾಗೂ ಸಂಸ್ಕೃತಿಯ ಬಿಕ್ಕಟ್ಟುಗಳು, ಸಾಹಿತ್ಯಕ ಹಾಗೂ ಖಾಸಗಿ ಪ್ರಶ್ನೆಗಳು- ಈ ಎಲ್ಲವನ್ನೂ ಕುರಿತು ಆಳವಾಗಿ ಧ್ಯಾನಿಸಿ ಕಂಡ ಕಟು‌ ಸತ್ಯಗಳನ್ನು ಮಂಡಿಸಿದರು; ಬಗೆ ಬಗೆಯ ಬಿಕ್ಕಟ್ಟುಗಳನ್ನು ಎದುರಿಸುವ ಮಾರ್ಗಗಳನ್ನು ಹುಡುಕಿದರು. ಭಾರತದ‌ ಮುಖ್ಯ ಸಂಸ್ಕೃತಿ ಚಿಂತಕರ ಸಾಲಿನಲ್ಲಿರುವ ಡಿ. ಅರ್. ನಾಗರಾಜ್ ಈ ಎಲ್ಲ ನೆಲೆಗಳನ್ನು ವಿವರಿಸುವ ವಿಶಾಲ ತಾತ್ವಿಕ‌‌ ನೆಲೆಗಳನ್ನು, ನುಡಿಗಟ್ಟುಗಳನ್ನು ರೂಪಿಸಿದರು. ವಸಾಹತುಶಾಹಿಯನಚನ್ನು ಹಾಗೂ ದೇಶೀ ಲೋಕಗಳನ್ನು ‌ಗ್ದಹಿಸುವ ಆಳವಾದ ಬೌದ್ಧಿಕ ಚಿಂತನೆಯನ್ನೂ ಬೆಳೆಸಿದರು. ಇಂದು ಕನ್ನಡದಲ್ಲಿ ಈ ಎಲ್ಲ‌‌ ವಲಯಗಳಲ್ಲಿ ವಿಕಾಸಗೊಂಡಿರುವ ಚಿಂತನೆ ಹಾಗೂ ಕ್ರಿಯೆಗಳಲ್ಲಿ ಇವರಿಬ್ಬರ ಮಾರ್ಗಗಳೂ ಜೀವಂತವಾಗಿ ಮುಂದುವರಿದಿವೆ... \r\nಹಲವು ವರ್ಷಗಳ ಕಾಲ ಈ ಇಬ್ಬರ ಒಡನಾಟ ಸಿಕ್ಕಿದ್ದು ನನ್ನ ಜೀವನದ ಬಹು‌ ದೊಡ್ಡ ಭಾಗ್ಯ.ನನ್ನೊಳಗೆ ಉಳಿದಿರುವ ಅವರ ಬೆಳಕನ್ನು, ಅವರ ವ್ಯಕ್ತಿತ್ವ, ಮಾತು, ಬರಹಗಳು ನನ್ನಲ್ಲಿ ಹುಟ್ಟಿಸಿದ ಸ್ಪ,ದನಗಳನ್ನು, ಇಲ್ಲಿ ಮಂಡಿಸಿರುವೆ.‌ ಇಪ್ಪತ್ತು ವರ್ಷಕ್ಕೂ ಹೆಚ್ಚು ಕಾಲ ‌ನಾನು ಬರೆದುಕೊಂಡ ಟಿಪ್ಪಣಿಗಳು, ಪದ್ಯ, ನಾಟಕ, ವಿಮರ್ಶೆ, ವಿವರಣೆ, ನಿರೂಪಣೆ ಇವೆಲ್ಲದರ‌ ಮೂಲಕ ಮೈದಾಳಿರುವ ಈ ಪುಸ್ತಕ ವಿವಿಧ ಪ್ರಕಾರಗಳು ಬೆರೆತ ಆಧುನಿಕೋತ್ತರ ಸಾಂಸ್ಕೃತಿಕ ಕಾದಂಬರಿಯಂತೆ ಓದುಗರಿಗೆ ಕಂಡರೆ ಆಶ್ಚರ್ಯವಿಲ್ಲ!\"\r\nಹೌದು; ನಾನು ಈ ಪುಸ್ತಕವನ್ನು ಕಾದಂಬರಿಯಂತೆ ಓದಿದೆ.\r\n\",ಇಂತೀ ನಮದ್ಕಾರಗಳು ಇದು ಕನ್ನಡ ಸಾಹಿತ್ಯ ಲೋಕಕ್ಕೆ ಕಾಲಿಡುವ ಒಂದು ಹೊಸ ಪುಸ್ತಕ. ಈ ಪುಸ್ತಕ ಬರೀ‌ ವ್ಯಕ್ತಿಪೂಜೆಗೆಂದು ಬರೆದ ಪುಸ್ತಕವಲ್ಲ. ಅಥವಾ ಶಿಷ್ಯನೊಬ್ಬ \" ಸ್ವರಕ\"ದಲ್ಲಿರುವ‌ ಗುರುಗಳನ್ನು ಮೆಚ್ಚಿಸಲಿಕ್ಕೆ ಬರೆದ ಪುಸ್ತಕವಲ್ಲ.‌ಬದಲಿಗೆ ಕನ್ನಡ ಸಾಹಿತ್ಯವನ್ನು ಹೇಗೆ ನೋಡಬೇಕು, ಅದರಲ್ಲೂ ‌ಡಿ‌‌ ಅರ್‌‌ ಹಾಗೂ ಲಂಕೇಶರ ಬರಹಗಳನ್ನು ಯಾವ ರೀತಿಯಲ್ಲಿ ನೋಡಬೇಕು ಎಂಬುದನ್ನು ಕಲಿಸಿ ಕೊಡುತ್ತದೆ. ಈ ಪುಷ್ತಕ ಬರೀ ಅಕಾಡೆಮಿಕ್‌ ಅಥವಾ ತಮಾಷೆಯ ಪುಸ್ತಕವಲ್ಲ.‌ಬದಲಿಗೆ ಎಲ್ಲಾ ವಿಷಯಗಳನ್ನೂ ಒಂದು‌ ರೀತಿ‌ ಕಂಬೈನ್ ಮಾಡಿ ಬರೆದಿರುವ ಪುಸ್ತಕ. ಈ ಪುಸ್ತಕದಲ್ಲಿ ಡಿ ಆರ್‌ ಅವರ ತಮಾಷೆಯ ವ್ಯಕ್ತಿತ್ವ, ವ್ಯಗ್ರತೆ ಎಲ್ಲವೂ ಕಾಣುತ್ತದೆ. ಹಾಗೆಯೇ ಲಂಕೇಶರ ಸಿಟ್ಟು, ಸೆಡವುಗಳು ಕಾಣುತ್ತವೆ. ಒಟ್ಟಿನಲ್ಲಿ‌ ಈ ಪುಸ್ತಕ ಕನ್ನಡ ಸಾಹಿತ್ಯ ಲೋಕದಲ್ಲಿ ಒಂದು ವಿಶಿಷ್ಟ ಛಾಪನ್ನು ಮೂಡಿಸುವುದರಲ್ಲಿ ಯಾವುದೇ ಸಂದೇಹವಿಲ್ಲ. ಇದು ಶಿಷ್ಯನೊಬ್ಬ ತನ್ನ ಗುರುಗಳಿಗೆ ಸಲ್ಲಿಸಲಿರುವ ನಿಜವಾದ \"ಇಂತಿ ನಮಸ್ಕಾರ\" ಶೋಮಿಕಾ.\r\nಕನ್ನಡದ ಅಪೂರ್ವ ಪುಸ್ತಕ ಓದಿ ಖುಸಿಪಡಿ