Heart touching tribute to a friend...gone too early...

ಅಯ್ಯೋ ಮೊಗಳ್ಳಿ ಗಣೇಶ್ ಅವರು ಇಷ್ಟು ಬೇಗ ನಿರ್ಮಿಸ ಬೇಕಿತ್ತೆ ? ... ಮೊನ್ನೆಯಷ್ಟೇ ಈ ತಿಂಗಳ ಮಯೂರ ಮಾಸ ಪತ್ರಿಕೆಯಲ್ಲಿ ಅವರು ಸಂದರ್ಶನ ಓದಿ 28ರ ಭಾನುವಾರ ಹೊಸಪೇಟೆಗೆ ಹೋಗಿದ್ದಾಗ ಪಲ್ಲವ ವೆಂಕಟೇಶ್ ಅವರು ಮೊಗಳ್ಳಿ ಗಣೇಶ್ ಅವರು ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದಾರೆಂದು ತಿಳಿಸಿದ್ದರು... ಕೇಳಿ ಮನಸ್ಸಿಗೆ ಕಳವಳವಾಗಿತ್ತು. ಇಷ್ಟು ಬೇಗ ಈ ಸುದ್ದಿ ಕೇಳುವೆ ಅನಿಸಿರಲಿಲ್ಲ... ಅವರು ಇನ್ನಷ್ಟು ವರ್ಷ ಬದುಕಬೇಕಿತ್ತು ಹಾಗೂ ಇನ್ನಷ್ಟು ಬರೆಯಬೇಕಿತ್ತು...ಅವರ ಕತೆಗಳು ನಮ್ಮನ್ನು ಕಾಡುತ್ತಲೇ ಇವೆ.... ಕನ್ನಡ ಸಾಹಿತ್ಯಕ್ಕೆ ಈ ಸಾವು ನಿಜ ಅರ್ಥದಲ್ಲಿ ತುಂಬಲಾರದ ನಷ್ಟ ಸರ್... ಅಂತಿಮ ನಮನಗಳು‌ ಮೊಗಳ್ಳಿ ಗಣೇಶ್ ಅವರಿಗೆ

ನಿನ್ನೆ ಮೊನ್ನೆಯವರೆಗೆ ಪರಿಚಿತರಾಗಿದ್ದವರು‌ ದಿಢೀರನೆ ಹೀಗೆ ಹೋದರು ಎಂಬ ಸುದ್ದಿ ಬಂದಾಗ ತಲ್ಲಣವಾಗುತ್ತದೆ. 😢

ಹೋಗಿ ಬನ್ನಿ ಮೊಗಳ್ಳಿ. ಮತ್ತೆ ಬಂದು ಇನ್ನೊಂದು ಬುಗುರಿ ಕತೆ ಬರೆದು ಸಾಹಿತ್ಯ ಲೋಕವನ್ನು ತಲ್ಲಣಗೊಳಿಸಿ......

ಅಕ್ಷರ ಲೋಕದ ಚಿಲುಮೆಗಳಿಗೆ ಲಾಲ್ ಸಲಾಂ

ನಿವೃತ್ತಿಯ ನಂತರ, ಮಾಗಿದ ವಯಸ್ಸು, ವಿಚಾರಗಳ ಹರಿತದಲ್ಲಿ ಮತ್ತಷ್ಟ್ಟು ಬರವಣಿಗೆ ಹರಿಯುತ್ತದೆ ಅನ್ನುವ ನೀರೇಕ್ಷೆಯಲ್ಲಿದ್ದವರಿಗೆ ನಿರಾಸೆಯ ಬೇಗೆ ತಟ್ಟಿದೆ.ಹೇಳಬೇಕಾದ್ದನ್ನು ಹೇಳೇ ತೀರುವ ನಿಷ್ಠುರ ಬರವಣಿಗೆಯ ವ್ಯಕ್ತಿತ್ವವೊಂದು ಇನ್ನು ಮುಂದೆ ಒಂದು ರೂಪಕವಷ್ಟೇ.ದ್ವೀಪದಂತೆ ಉಳಿದು ಕನ್ನಡ ಸಾಹಿತ್ಯ ಬೆಳಗಿದ ದೀಪವೊಂದು ಆರಿದೆ. ಮೊಗಳ್ಳಿ ಅವರ ಕಥಾ ಬರವಣಿಗೆಯ ಬೆಳಕು ಮಾತ್ರ ಸದಾ ಕಾಡುತ್ತಲೇ ಇರುತ್ತದೆ. ಆಕಾಶವಾಣಿಯ ಕಥಾಕಣಜ ಸರಣಿಗೆ ಅವರ 'ನನ್ನಜ್ಜನಿಗೊಂದು ಆಸೆ ಇತ್ತು 'ಕಥೆ ಆರಿಸಿಕೊಂಡಾಗ ಕಥೆಗಾರನ ಮಾತಿಗಾಗಿ ಅವರ ಪರಿಚಯ ಸುಬ್ಬುಹೊಲೆಯರ್ ಮೂಲಕ ಆದದ್ದು, ನಂತರ ಪ್ರಕಟವಾಗುತ್ತಿದ್ದ ಅವರ ಬರವಣಿಗೆಯನ್ನು ಕುರಿತು ಫೋನಿನ ಮೂಲಕವೇ ನಡೆಯುತ್ತಿದ್ದ ಚರ್ಚೆ ಹೆಚ್ಚು ದಿನ ಮುಂದುವರಿಯಲಿಲ್ಲ. ಕಾರಣ, ದ್ವೀಪದಂಥ ನಿಮ್ಮ ಒಂಟಿತನದ ಬರವಣಿಗೆಗೆ ಜನರ ನಡುವೆ ಬೆರೆಯುವ ಸ್ಪರ್ಶ ಬೇಕಿದೆ ಅನಿಸುತ್ತದೆ. ಅದನ್ನು ನೀಗಿಕೊಂಡರೆ ನಿಮ್ಮ ವಿಚಾರ ಸಾಹಿತ್ಯ ಹಾಗೂ ವಿಮರ್ಶೆ ಮತ್ತಷ್ಟು ಶಕ್ತಿ ತುಂಬಿಕೊಳ್ಳುತ್ತದೆ ಅಂದೆ. ಈ ಮಾತು ಅವರಿಗೆ ಹಿಡಿಸದೆ ಫೋನ್ ಕರೆ ಕಟ್ ಮಾಡಿದ್ದರು. ಬೆಳವಣಿಗೆ ಹಂತದ ಆಘಾತಗಳು ವ್ಯಕ್ತಿಯನ್ನು ವ್ಯಕ್ತಿತ್ವವನ್ನು ಗಾಯಗೊಳಿಸಿರುತ್ತವೆ ಶಿವು.. ಅವು ಮಾಯಲಾರದ ವ್ರಣಗಳು. ನೀವು ಬೇಸರ ಮಾಡಿಕೊಳ್ಳಬೇಡಿ ಅಂದಿದ್ದರು ಸುಬ್ಬಣ್ಣ. ಮೊಗಳ್ಳಿಯವರ ಕಠಿಣತೆಗೆ ಅದು ಕಾರಣವೂ ಇರಬಹುದು. ನಟರಾಜ್ ಸರ್ ನಿಮ್ಮ ಅಕ್ಷರ ನಮನಕ್ಕೆ ಧನ್ಯವಾದಗಳು 🌹🙏🌹

ಸರ್ ಬೇಸರವಾಯಿತು.ಸಾಯಬಾರದ ವಯಸ್ಸು.ಒಂದು ಸಮಯದಲ್ಲಿ ಸತತವಾಗಿ ಬರೆಯುತ್ತಿದ್ದ ಮೊಗಳ್ಳಿಯವರ ಸಮಗ್ರ ಕಥೆಗಳು ನನ್ನ ಕಪಾಟಿನಲ್ಲಿದೆ."ಅಗ್ನಿ ಪತ್ರಿಕೆಯಲ್ಲಿ"ಅನಂತಮೂರ್ತಿಯವರನ್ನು ತೀರ್ವ ವಿಮರ್ಶೆಯಲ್ಲಿ ಕಾಡಿದ್ದು ನೆನಪಾಯಿತು.

ಮನದ ಆಳದ ಸತ್ಯವು ಸಾವಿನ ಸಂದರ್ಭದಲ್ಲಿ ಮಾತ್ರ ಪ್ರಕಟವಾಗುತ್ತದೆಂಬುದೇ ಆಶ್ಚರ್ಯ . ಈ ಬರಹ ನನ್ನಲ್ಲಿ ತಣ್ಣನೆಯ ವಿಷಾದವನ್ನಷ್ಟೆ ಉಳಿಸುತ್ತದೆ......

ಲೇಖನ ಬಹಳ ಅಪ್ತವಾಗಿದೆ. ಮೊಗಳ್ಳಿ ವ್ಯಕ್ತಿತ್ವದ ಗುಣ ದೋಷಗಳೆರಡನ್ನೂ ಹಂಗಿಸದೆ ಕಟ್ಟಿಕೊಟ್ಟ ರೀತಿ ಸೃಜನಾತ್ಮಕವಾಗಿದೆ. ಮೊಗಳ್ಳಿಯ ಸೃಜನಶೀಲತೆಗೆ ನಮನಗಳು.

ಕನ್ನಡದ ಪ್ರಮುಖ ಕಥೆಗಾರರಾದ ಮೊಗಳ್ಳಿ ಗಣೇಶ ಸರ್ ಅವರ ಬಗೆಗಿನ ನಿಮ್ಮ ಅಕ್ಷರ ನಮನ ಓದಿದೆ. ನಮ್ಮ ಸಾಹಿತ್ಯ ಲೋಕ ಇಂಥವರನ್ನು ಕಳೆದುಕೊಂಡು ಬಡವಾಗುತ್ತಿದೆ. ಯಾವ ಅಧಿಕಾರವನ್ನು ಬಯಸದೇ ತಮ್ಮ ಬರಹಗಳ ಮೂಲಕವೇ ಸಮಾಜವನ್ನು ತಿದ್ದಲು ಬಯಸಿ  ಕೊನೆಗೆ ಮನನೊಂದು ಎಲ್ಲದಕ್ಕೂ ನಮಸ್ಕಾರ ಹೇಳಿ ಹೋಗಿ ಬಿಟ್ಟರು. ಅವರು ಇಲ್ಲಿಂದ ನಿರ್ಗಮಿಸಿದರೂ ಅವರ ಬರಹಗಳು ಮತ್ತೆ ಅವರನ್ನು ಜೀವಂತವಾಗಿ ಇರಿಸುತ್ತವೆ. ಕನ್ನಡ ವಿಶ್ವವಿದ್ಯಾಲಯ ಹಂಪಿಯಲ್ಲಿ ಅವರನ್ನು ತೀರಾ ಹತ್ತಿರದಿಂದ ನೋಡಿದ್ದೆ ಮಾತನಾಡಿಸುವ ಧೈರ್ಯವಾಗಲಿ ಬರಲಿಲ್ಲ. ಕಾರಣ ಅವರ ಬಗ್ಗೆ ಈಗಾಗಲೇ ವಿವಿಯಲ್ಲಿ ಹಬ್ಬಿದ ಅನಿರೀಕ್ಷಿತ ವಿಚಾರಗಳು. ಹಿರಿಯ ಸಂಶೋಧನಾ ವಿದ್ಯಾರ್ಥಿಗಳು ಅವರಿಂದ ಏನನ್ನೋ ನಿರೀಕ್ಷೆ ಇಟ್ಟುಕೊಂಡು ಹೋದಾಗ ಅದು ಈಡೇರದೇ ಇದ್ದಾಗ ಅವರ ಬಗ್ಗೆ ಅನೇಕ ಗಾಸಿಪ್ ಗಳು ಚಾಲ್ತಿಯಲ್ಲಿದ್ದವು. ಕೊನೆಗೆ ಅವರು ತಮ್ಮ ಪಾಡಿಗೆ ತಾವು ಒಂದು ದ್ವೀಪದ ರೀತಿಯಲ್ಲಿ ಇರದೇ  ಮುಕ್ತವಾಗಿ ಸಮಾಜದೊಂದಿಗೆ  ಬೆರೆತುಕೊಂಡಿದ್ದರೆ ಎಲ್ಲದಕ್ಕೂ ಉತ್ತರ ಸಿಕ್ಕಿರುತ್ತಿತ್ತು ಏನೋ. ಈಗ ಅವರೇ ಇಲ್ಲ. ಎಲ್ಲ ಪ್ರಶ್ನೆಗಳು ನಮ್ಮಲ್ಲೇ ಉಳಿದಿವೆ.

ಮೊಗಳ್ಳಿಯವರಿಗೆ ಸಲ್ಲಿಸಿದ ಹುಳಿಯಾರರ ವಿದಾಯ ನುಡಿನಮನಕ್ಕೆ ನಮನಗಳು. ಮೊಗಳ್ಳಿಯವರು ಇಷ್ಟು ಬೇಗನೆ ಮರೆಯಾಗಿರುವುದು ತುಂಬಾ ನೋವಿನ ಸಂಗತಿ. ಮರೆಯಾಗಿ ಹೋದರೂ ಮರೆಯಲಾಗದ ತಮ್ಮ ಹೆಜ್ಜೆಯ ಗುರುತುಗಳನ್ನು ಮೂಡಿಸಿದ್ದಾರೆ ಮೊಗಳ್ಳಿಯವರು. ವಿಷಯ ತಿಳಿದಾಕ್ಷಣಕ್ಕೆ, ಹುಳಿಯಾರ್ ಮತ್ತು ಮೊಗಳ್ಳಿಯವರೊಡನೆ ದ್ಯಾಮಪ್ಪ ಮತ್ತು ನಾನು ಒಮ್ಮೆ ದಾವಣಗೆರೆಯಲ್ಲಿ ಸಂಧ್ಯಾಕೂಟದಲ್ಲಿ ಜೊತೆಯಾಗಿ ಹರಟಿದ್ದು ನೆನಪಾಗಿ, ಮನಸ್ಸು ಭಾರವಾಯಿತು. ಇನ್ನೂ ಸ್ವಲ್ಪ ಕಾಲ ಅವರು ಬದುಕಿದ್ದು, ಅವರ ಪರಿಪಕ್ವ ಲೇಖನಿಯಿಂದ ಇನ್ನಷ್ಟು ಕಥೆ-ಕವನಗಳನ್ನೊಳಗೊಂಡ ಮೌಲ್ಯಯುತ ಸಾಹಿತ್ಯ ಹೊರಬರಬೇಕಿತ್ತು ಮತ್ತು ಸಮಾಜಕ್ಕೆ ಬೆಳಕಾಗಿ ದಾರಿತೋರಬೇಕಿತ್ತು. ಹಾಗಾಗಲಿಲ್ಲವೆಂಬುದು ತೀವ್ರ ವೇದನೆಯ ವಿಷಯ. ಈ ನೋವಿನಲ್ಲಿಯೇ ಮೊಗಳ್ಳಿಯವರಿಗೆ ವಿದಾಯದ ನಮನಗಳು.

ಮೊಗಳ್ಳಿ ಗಣೇಶ್ ತರುಣ ವಯಸ್ಸಿನಲ್ಲಿ ಬರೆದ ಭುಗುರಿ ಕತೆ ಅತ್ಯಂತ ವಿಶಿಷ್ಟವಾದ ಸಂವೇದನೆಯನ್ನು ಕನ್ನಡದಲ್ಲಿ ಹುಟ್ಟು ಹಾಕಿತು ಇಂತಹ ಇನ್ನೊಂದು ಕತೆ ಕಂಡು ಬಂದಿಲ್ಲ ನನಗೆ, ಡಾ. ನಟರಾಜ್ ಹುಳಿಯಾರ್ ಸುಮಾರು ಆರು ತಿಂಗಳ ಹಿಂದೆ ಬೆಂಗಳೂರಿನಲ್ಲಿ ಅವರ ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಅವರ. ಬರವಣಿಗೆ ಸ್ವರೂಪದ ಬಗ್ಗೆ ಇರುವ ಹೊಸ ವಿನ್ಯಾಸವನ್ನು ಕುರಿತು ಹೊಳಹುಗಳನ್ನು ನೀಡಿದರು. ಆ ಸಂಜೆ ಅವರೊಂದಿಗೆ ಊಟ ಮಾಡಿ ಕಳೆದ ಕಾಲ ಸ್ಮರಣೀಯ. ನಿಂತಲ್ಲೆ ತಿರುಗುವ ಚಲನೆ ಇದ್ದರೂ ಚಲನೆಯಿಲ್ಲದ ಭುಗುರಿಯಂತಾಗಿದೆ ಭಾರತದ ಬದುಕು.