ನಟರಾಜ್,ಇನ್ನು ನಿಮ್ಮಂಥ ಓದಿ,ಅನುಭವಿಸಿ ತಿಳಿದವರು ನಿಮ್ಮ ಪರಿಕಲ್ಪನೆಗಳನ್ನು ಹೇಳುತ್ತ ಹೋದರೆ ಹೊಸದೇನಾದರೂ ಹುಟ್ಟುತ್ತದೇನೋ.ಇನ್ನೂ ಎಷ್ಟು ಕಾಲ ಹಿಂದಿನ ತಲೆಮಾರಿನ ಮಾತು,ತಿಳಿವು,ಕ್ರಿಯೆ ಕುರಿತು ವಿಶ್ಲೇಷಿಸುತ್ತೀರಿ. ಬದುಕನ್ನು ಕಂಡವರು,ವಿಶಿಷ್ಟ ನೋಟ ಉಳ್ಳವರು ನಿಮ್ಮ ಥಿಯರಿ ಕಟ್ಟಿದರೆ ಈ ಸಂಕೀರ್ಣ ಕಾಲಘಟ್ಟದಲ್ಲಿ ಹೊಸ ಓದುಗನಿಗೆ ವಿವೇಚಿಸಲು ಆಹಾರ ಸಿಕ್ಕೀತು. ಎಲ್ಲ ಸಾಧ್ಯತೆ,ಸಿದ್ಧತೆ ಇರುವ ನಿಮ್ಮಂಥವರು ಮಾಡಬೇಕಾ್ದ ಕೆಲಸ ಬಹಳ ಇದೆ. ನೀವು ಪದೇ ಪದೇ ಉದ್ಧರಿಸುವ ಆರಾಧಿಸುತ್ತಿರುವಿರೋ ಎಂಬಷ್ಟು ನಿಮ್ಮನ್ನು ಕಾಡುತ್ತಿರುವ ಮಾತುಗಳನ್ನು ಮೀರಿದೆ ನಿಮ್ಮ ಅಧ್ಯಯನ. ತಪ್ಪಿಯೂ ಹೆಣ್ಣನ್ನು ಟೀಕಿಸದೆ ಕಾರ್ಯ ಕರಣಗಳನ್ನು ಸಮರ್ಥವಾಗಿ ವಿಶ್ಲೇಷಿಸಿ ನೋಡುವ ನಿಮ್ಮ ಲಿಂಗಾತೀತ ಸಮಸ್ಥಿತಿ ನೀವು ಪದೇ ಪದೇ ಮೆಚ್ಚುವ ಲೇಖಕರಲ್ಲಿ ಇರಲೇ ಇಲ್ಲ. ಯಾರ ಟೀಕೆಯೂ ನನಗೆ ಬೇಡ.ಹೊಸ ಆಲೋಚನೆ ಕೊಡಿ.ಮಥಿಸಲು ಹೇಳಿ.ನಿಮಗೆ ಸಾಧ್ಯ ಎಂಬ ಕಾರಣಕ್ಕೇ ಹೇಳುತ್ತಿರುವೆ.ಆಗಬೇಕಾದ ಕೆಲಸ ಬಹಳ ಇದೆ ಅಲ್ಲವೆ?

ಬರಹಗಾರನ/ಳ ಅಳಿವು ಹಾಗೂ ಉಳಿವನ್ನು ಕಾಲವೇ ನಿರ್ಧರಿಸುತ್ತದೆ. "ತನ್ನ ಬರವಣಿಗೆಯ ಬಗ್ಗೆ ಕಾಲಕಾಲದ ಸ್ವವಿಮರ್ಶೆಯಿಲ್ಲದ ಯಾವುದೇ ಲೇಖಕ ಉಳಿಯುವುದು ಕಷ್ಟ" ನಿಮ್ಮ… ಈ ಮಾತನ್ನು ಪ್ರತಿಯೊಬ್ಬ ಲೇಖಕ/ಲೇಖಕಿಯರು ತಮ್ಮ ಪ್ರತಿ ಬರವಣಿಗೆ ಕಾಲದಲ್ಲಿ ನೆನೆಯುತ್ತಾ ಇದ್ದರೆ ಬಹುಶಃ ಕೆಲವು ಕಾಲವಾದರೂ ಉಳಿಯಬಹುದು... ಅನಿಸುತ್ತದೆ... ಕಾಲದ ನಿರ್ದಯತೆಯಲ್ಲಿ ಕೊಚ್ಚಿ ಹೋಗದಂತೆ ಇರಬಹುದು... ನಿಮ್ಮ ಬಾಲ್ಯದ ನೆನಪುಗಳು ಓದಲು ಕುತೂಹಲಕಾರಿಯಾಗಿದೆ ಸರ್ ಧನ್ಯವಾದಗಳು

ಸರ್, ನಮಸ್ಕಾರ... ಡಿ.ಆರ್. ನಾಗರಾಜ್ ತಾರುಣ್ಯದಲ್ಲಿ ಮಾಡಿಕೊಂಡಿದ್ದ ಟಿಪ್ಪಣಿಯ ಒಂದು ಭಾಗ. ಎಸ್.ಎಲ್. ಭೈರಪ್ಪ ಒಬ್ಬ ಜನಪ್ರಿಯ ಕಾದಂಬರಿಕಾರ... 1. ಒಬ್ಬ ಲೇಖಕ ತೀರ ಸುಲಭವಾಗಿ ಜನಪ್ರಿಯನಾದ ಎಂದರೆ, ಆತ ಹೊಸ ರುಚಿಗಳನ್ನು ಸೃಷ್ಟಿಸುತ್ತಿದ್ದಾನೆ ಎನ್ನುವುದಕ್ಕಿಂತ ಒಗ್ಗಿರುವ ರುಚಿಗೇ ಬರೆಯುತ್ತಿದ್ದಾನೆ. 2. ಹೀಗೆ ಜನಪ್ರಿಯವಾಗುವ ಕೃತಿಗಳು ಆ ಜನಾಂಗದ ಮೇಲ್ಪದರದ ಅಭಿರುಚಿಯನ್ನು, ಆಲೋಚನಾ ಕ್ರಮವನ್ನು ಬಿಂಬಿಸುತ್ತವೆ; ಇವು ಸರಳ ಮತ್ತು ಮಾದಕವಾಗಿರುತ್ತವೆ. -ಡಿ.ಆರ್. ನಾಗರಾಜ್ (1974) ಉಲ್ಲೇಖ: -'ಡಿ.ಆರ್. ನಾಗರಾಜರ ತಾರುಣ್ಯದ ಟಿಪ್ಪಣಿಗಳು' ಕೃಪೆ: -ಮಯೂರ (ಮಾಸಿಕ, ಪುಟ: 93, ಏಪ್ರಿಲ್ 2022) ನಿರೂಪಣೆ: -ನಟರಾಜ್ ಹುಳಿಯಾರ್

ಆ ವಯಸ್ಸಿಗೆ ನಿಮ್ಮ ಹಿರಿಯ ತಲೆಮಾರನ್ನು ಓದಿಕೊಂಡಿದ್ದೀರಿ. ನಮ್ಮ ತಲೆಮಾರು ಕನಿಷ್ಠ ತಮ್ಮ ತಲೆಮಾರೂ ಓದಿಕೊಳ್ಳುತ್ತಿಲ್ಲ ಸರ್

ಜನಪ್ರಿಯ ಮತ್ತು ಗಂಭೀರ ಸಾಹಿತ್ಯದ ರಚನೆ ಮತ್ತು ಓದನ್ನು ಕುರಿತ ನಿಮ್ಮ ಅಭಿಪ್ರಾಯಗಳು ನಿಜಕ್ಕೂ ಸಾಹಿತ್ಯಾಭಿರುಚಿಗಳನ್ನು ತಿದ್ದುವಂತವು. ಲೇಖಕನಿಗಿರಬೇಕಾದ ಸ್ವವಿಮರ್ಶೆ, ಓದುಗ ಮತ್ತು ವಿಮರ್ಶಕನಿಗಿರಬೇಕಾದ ಅಭಿರುಚಿಗಳ ಬಗೆಗಿನ ಎಚ್ಚರದ ಅಗತ್ಯವನ್ನು ಈ ಲೇಖನ ಪ್ರತಿಪಾದಿಸುತ್ತಿದೆ. ಧನ್ಯವಾದಗಳು ಸರ್

ಅನಂತ ಮೂರ್ತಿ ಯವರ ಸನ್ನಿವೇಶ ಪುಸ್ತಕ ಸಗಣಿಯಲ್ಲಿ ಬಿದ್ದು ಒಣಗಿ ಹೋಗಿದೆ ಶೀ್ಷಿಕೆ ಇಲ್ಲದ ಪುಸ್ತಕ ಆದರೂ ಅದನ್ನು ಗಮನಿಸಿ ಎತ್ಕೊಂಡು ಓದುವ ಆ ತೀವ್ರವಾದ ಹಂಬಲವೆ ಇಂದು ಒಬ್ಬ ಕನ್ನಡದ ಸೂಷ್ಮ ಸಂವೇದನಾಶೀಲ ಬರಹಗಾರ ಡಾ.ನಟರಾಜ್ ಹುಳಿಯಾರ್ ನನ್ನು ರೂಪಿಸಲು ಸಾಧ್ಯವಾಯಿತು ಎಂದು ನನಗೆ ಅನಿಸುತ್ತದೆ. ಅಪರೂಪದ ಆಂತರ್ಯದ ಸಂಗತಿಗಳನ್ನು ಹಂಚಿಕೊಂಡ ನಿಮಗೆ ನಮಸ್ಕಾರಗಳು.

ಸರ್ ಭೈರಪ್ಪನವರ ಬಗ್ಗೆ ಏನಾದರೂ ಬರೆಯಿರಿ ಎಂದು ಹೇಳಲು ಅಳಕು.ಈವಾರ ಬರೆದಿದ್ದೀರಿ.ಒಳ್ಳೆಯದು.comparisonಚೆನ್ನಾಗಿದೆ.ಸಾಹಿತ್ಯದ ಸಾಮಾನ್ಯರ ಓದುಗರ ನಾಡಿಮಿಡಿತ ಚೆನ್ನಾಗಿ ಗ್ರಹಿಸಿದ್ದೀರಿ.ಇಂಥ ಸಮಯದಲ್ಲೂ ನನ್ನ ಸ್ಹೇಹಿತ ಭೈರಪ್ಪನವರ ಮನೆ ಮೇಲೆ ಕಲ್ಲು ಹೊಡೆಸಿದ್ದು ಅನಂತಮೂರ್ತಿಯವರಂತೆ ಅಂದ.ಅದಕ್ಕೆ ನಾನು ನನಗೆ ತಿಳಿದಂತೆ ಅವರಲ್ಲ ಬೇರೆಯವರು ಎಂದೆ.ಈ ಗುದ್ದಾಟಗಳು ಲಂಕೇಶರು,ಚಂಪಾ ಇವರ ಕಾಲಘಟ್ಟದಲ್ಲಿ ಮಜವಾಗಿದ್ದವು.ಈಗಿನ ಗುದ್ದಾಟಗಳು ಸಪ್ಪೆ ಅಥವಾ ಗುದ್ದಾಡುವುದಕ್ಕೆ ಯಾರೂ ಇಲ್ಲದ ಕಾಲಘಟ್ಟದಲ್ಲಿ ನಾವಿದ್ದೇವೆ ಎಂದು ಅನಿಸದಿರದು.ಭೈರಪ್ಪನವರ ಮಾಂತ್ರಿಕತೆ ಅವರ ಪ್ರಾರಂಭಿಕ ಕೃತಿಗಳಲ್ಲಿ ಇದ್ದದ್ದು ನಂತರ ಮಾಯವಾಯಿತು ಎನಿಸುತ್ತದೆ.ನನ್ನ ದೃಷ್ಟಿಯಲ್ಲಿ ಅವರ ಮೌಲಿಕ ಕೃತಿ" ಸಾರ್ಥ".ತೀರ ಚರ್ಚಿತವಾಗಲೇಬಾರದು ಎಂಬ ಕನಿಷ್ಟ ವ್ಯಕ್ತಿ ಭೈರಪ್ಪನವರಲ್ಲ ಎಂಬುದು ನನ್ನ ವೈಯಕ್ತಿಕ ಅನಿಸಿಕೆ.

ಒಂದಂತೂ ನಿಜ , ಬೈರಪ್ಪ ಕನ್ನಡಕ್ಕೆ ಅಗಾಧ ಸಂಖ್ಯೆಯ ಓದುಗರನ್ನು ಸ್ರೃಷ್ಟಿಸಿ ಕೊಟ್ಟರು

I agree with what Vijayamma says. Our established and popular writers as well as critics rarely have feminist sensitivity and sensibility.... it is time to accept these hard facts.

ನಮಸ್ಕಾರ ಸರ್, ಕರೆಕ್ಷನ್ ಆಫ್ ಟೇಸ್ಟ್ - ಗಂಭೀರ ಓದಿಗೆ ಇರಲೇಬೇಕಾದ ಎಚ್ಚರವನ್ನು ಈ ನಿಮ್ಮ ಲೇಖನ ಗಟ್ಟಿಯಾಗಿ, ಸ್ಪಷ್ಟವಾಗಿ ನಿರೂಪಿಸಿದೆ. ಎಂದಿಗಿಂತಲೂ ಇಂದಿನ ನಮ್ಮ ತಲೆಮಾರಿಗೆ ಈ ಎಚ್ಚರ ಅತಿ ಅಗತ್ಯ ಅನಿಸುತ್ತದೆ. ಧನ್ಯವಾದಗಳು ಸರ್.

ಎಸ್.ಎಲ್.ಭೈರಪ್ಪ ಮತ್ತು ಅನಂತಮೂರ್ತಿಯವರ ಸಾಹಿತ್ಯ ಕೃತಿಗಳನ್ನು ಹೋಲಿಕೆ ಮಾಡುತ್ತಲೇ ಇಬ್ಬರ ಹೆಚ್ಚುಗಾರಿಕೆ ಮತ್ತು ಮಿತಿಗಳೆರಡನ್ನು ಗುರುತಿಸಿದ್ದೀರಿ. ತುಂಬಾ ಗಂಭೀರವಾದ ಲೇಖನ. ಅಭಿನಂದನೆಗಳು ಸರ್...

ತುಂಬ ಚೆನ್ನಾಗಿ ಗಮನಿಸಿ ಬರೆದಿದ್ದೀರಿ ಸರ್.‌ ವಾಸ್ತವವಾಗಿ ಕರೆಕ್ಷನ್‌ ಆಫ್‌ ಟೇಸ್ಟ್‌ ಅನ್ನು ಕಲೆ-ಸಾಹಿತ್ಯದ ಮಟ್ಟದಲ್ಲೂ, ದಿನನಿತ್ಯದ ಬದುಕಿನ ಮಟ್ಟದಲ್ಲೂ ಲಂಕೇಶ್‌ ಅವರು ನಿರಂತರ ಮಾಡುತ್ತಲೇ ಬಂದರು. ನಿಮ್ಮ ಕಾಳಜಿಪೂರ್ಣ ಬರವಣಿಗೆಗಳಲ್ಲಿ ಅದೇ ಪ್ರಯತ್ನ ಹಾಗೂ ಸಾಧನೆಯನ್ನು ಕಾಣಬಹುದಾಗಿದೆ. ಥ್ಯಾಂಕ್ಸ್‌ ನಿಮಗೆ. ಭೈರಪ್ಪನವರ ಜನಪ್ರಿಯತೆಯ ಮೋಡಿಗೆ ನೀವೂ ಒಂಚೂರು ಜಾರಿದಂತಿದೆ. 'ಅವರು ...........ಹಳೆಯ ಕಸುವನ್ನೂ ಕಳೆದುಕೊಂಡು ಕಣ್ಮರೆಯಾದರು' ಎಂದಿದ್ದೀರಿ. ಆ ಕಸುವು ಎಲ್ಲಿ ಯಾವಾಗ ಇತ್ತು ಸರ್?

ಸಮಸ್ಯೆ ಸರಳವಿರಲಾರದು. ʼಇನ್ನೊಬ್ಬʼ ನಿಚ್ಚಳವಾಗಿ ಒಳ್ಳೆಯವನೂ, ಒಳ್ಳೆ ಲೇಖಕನೂ ಆಗಿದ್ದರೆ ಲಂಕೇಶರು ಅವನನ್ನು ಸಾಹಿತ್ಯಿಕ, ಅಸಾಹಿತ್ಯಿಕ ಕಾರಣಗಳಿಗಾಗಿ ಟೀಕಿಸಬೇಕಾಗಿ ಬರುತ್ತಿರಲಿಲ್ಲ. ಅವಳಿ-ಜವಳಿ ಲೇಖಕರ ಕಲ್ಪನೆ ಬೈನರಿ ದೋಷ, ಲಾಜಿಕಲ್‌ ಫ್ಯಾಲಸಿ ಮತ್ತು ಪೂರ್ವಗ್ರಹಗಳಿಂದ ಮುಕ್ತವಾಗಿಲ್ಲ. ಭೈರಪ್ಪನವರ ಮಾದರಿ ಹೊಸತೂ ಅಲ್ಲ. ʼಆರ್ಟ್‌ ಫಾರ್‌ ಆರ್ಟ್ಸ್‌ ಸೇಕ್‌ʼ ಇತ್ತಲ್ಲ. ಭಾರತದ ರಸ ಸಿದ್ಧಾಂತದ ಕೃತಿಗಳನ್ನು ತಳ್ಳುವಂತೆಯೂ ಇಲ್ಲ. ಸಾಹಿತ್ಯಕ್ಕೆ ಪರಂಪರೆ, ತತ್ವಜ್ಞಾನಗಳ ಹಂಗು ಇಲ್ಲವೆಂದೂ ಹೇಳಲಾಗದು. ನವ್ಯಸಾಹಿತ್ಯದ ಅನೇಕ ಕೃತಿಗಳು ಒಂದು ಪರಿಸ್ಥಿತಿ, ಮನೋಸ್ಥಿತಿ, ವ್ಯಕ್ತಿಕೇಂದ್ರಿತ ವಿಶಿಷ್ಟವಾದ ಇಂಥವನ್ನು ಒಳಗೊಂಡಿಲ್ಲವೆ? ಕೃತಿಯೊಂದು ಎಷ್ಟು ಸಮಾಜಮುಖಿ ಎಷ್ಟು ಕಲಾಮುಖಿ ಎಂದು ಹೇಗೆ ಹೇಳುವುದು? ಒಂದರಲ್ಲೊಂದು ಸೂಚ್ಯವಾಗಿ, ಪ್ರಕಟವಾಗಿ ರೂಪಿತವಾಗಿರುತ್ತಲ್ಲವೇ? ಆಕ್ಟಿವಿಸ್ಟ್ ಗೆ ‌ ತೀವ್ರ ಸಮಾಜಮುಖಿ ಕೃತಿಯೂ ದುರ್ಬಲವಾಗಿ ಕಾಣಬಹುದು. ನೇರ ಕ್ರಿಯೆಯೇ ಅವನ ಅಗತ್ಯ. ಹಾಗೆ ನೋಡಿದರೆ ಅಗಾಧ ಸಮಾಜಪರತೆ ಬಯಸುವವರು ಪತ್ರಿಕಾ ಬರಹ ಹಾಗೂ ಪಾಂಫ್ಲೆಟೀರಿಂಗ್‌ ಅನ್ನು ಆಶ್ರಯಿಸಬಹುದು. ಭೈರಪ್ಪರನ್ನು ಸಾಹಿತ್ಯಿಕವಾಗಿ ಮುಖಾಮುಖಿ ಮಾಡುವುದಕ್ಕಿಂತ ರಾಜಕೀಯವಾಗಿ ಎದುರಿಸಿ ಅವರನ್ನು ಬಲಗೊಳಿಸುತ್ತಿದ್ದೇವೆಯೆ? ಸರಿಯಾಗಿ ಪ್ರಾಬ್ಲಮಟೈಸ್‌ ಮಾಡಲು ಆಗುತ್ತಿಲ್ಲವೆಂದು ಅನಿಸುತ್ತದೆ. ನೀವು ಏನು ಹೇಳುತ್ತೀರಿ ಸರ್?

ಆಲ್ ರೈಟ್ ಮುಂದುಕೋಗನ

ಕರೆಕ್ಷನ್ ಮತ್ತು ಕರಪ್ಷನ್ ಆಫ್ ಟೇಸ್ಟ್ ವಿಚಾರದ ಹಿನ್ನೆಲೆಯಲ್ಲಿ ಇಬ್ಬರು ಮಹತ್ವಪೂರ್ಣ ಲೇಖಕರ ಹೋಲಿಕೆ ಮತ್ತು ವ್ಯತ್ಯಾಸಗಳ ವಿಶ್ಲೇಷಣೆ ಚಿಂತನಾರ್ಹ ಮತ್ತು ಚರ್ಚಾರ್ಹವಾಗಿದೆ.

ಸರ್‌, ನಾನು ೧೯೯೫ರ ಹೊತ್ತಿಗೆ ಸಾಹಿತ್ಯ ಓದಲು ಆರಂಭಿಸಿದೆ. ಲಂಕೇಶ್‌, ಶೂದ್ರ, ಸಂಕ್ರಮಣ ಪತ್ರಿಕೆಗಳ ಸಮೃದ್ಧಿಯ ಕಾಲ. ಕಾರಂತರು, ತೇಜಸ್ವಿ, ಲಂಕೇಶ್, ಅನಂತಮೂರ್ತಿ ಅವರಿಂದ ಓದನ್ನು ಆರಂಭಿಸಿದ್ದರಿಂದಲೋ ಏನೋ ಭೈರಪ್ಪನವರನ್ನು ಓದುವುದರಿಂದ ವಿಮುಖನಾದೆ. ಇತ್ತೀಚೆಗಷ್ಟೇ ಗೃಹಭಂಗ ಓದಿದೆ. ನನಗೆ ಅಷ್ಟೇನೂ ರುಚಿಸಲಿಲ್ಲ. ಆದರೆ, ಆರಂಭದಲ್ಲಿ ಎಲ್ಲ ರೀತಿಯ ಬರೆಹಗಳನ್ನೂ ಓದುವುದರಿಂದ ಅವುಗಳ ನಡುವಿನ ತರತಮ ಆಗ ತಿಳಿಯದಿದ್ದರೂ ಕಾಲಾನಂತರದಲ್ಲಿ ತಿಳಿಯುತ್ತದೆ. ನಿಮ್ಮ ಈ ತೌಲನಿಕ ಬರೆಹದ ನಿಚ್ಛಳತೆ ಇನ್ನೊಂದು ರೀತಿಯ ಸ್ಷಷ್ಟತೆ ಕೊಟ್ಟಿತು. ಎಂದಾದರೊಂದು ದಿನ ಒಳ್ಳೆಯ ಕಾದಂಬರಿ ಬರೆದರೆ ಅದನ್ನು ನಿಮ್ಮ ಈ ಬರಹಕ್ಕೆ ಅರ್ಪಿಸುವೆ!

ಕರೆಕ್ಷನ್ ಆಫ್ ಕರಪ್ಶನ್ ಲೇಖನ ಓದಿದೆ. ನಿಮ್ಮ ಬಾಲ್ಯದ ಬದುಕಿನಲ್ಲಿ ಹೆಸರೇ ಇಲ್ಲದ ಸಿಕ್ಕ ಪುಸ್ತಕ ನಿಮ್ಮಲ್ಲಿ ಉಂಟು ಮಾಡಿದ ಬದಲಾವಣೆ ಅಗಾಧವಾದದ್ದು. ಪ್ರತಿಯೊಂದು ಪುಸ್ತಕವು ಮನುಷ್ಯನ ಕುರಿತು ಶೋಧಿಸಬೇಕು. ಅವನಲ್ಲಿನ ಕೇಡು ಅಳಿಸಿ ಒಳಿತಿನೆಡೆಗೆ ಕೊಂಡೊಯ್ಯಬೇಕು. ಎಸ್. ಎಲ್. ಭೈರಪ್ಪ ಅವರ ಕೆಲವು ಕಾದಂಬರಿಗಳನ್ನು ಪದವಿ ಹಂತದಲ್ಲಿ ಓದಿದೆ. ತುಂಬಾ ಇಷ್ಟವಾದವು. ಓದಿಸಿಕೊಂಡು ಹೋದವು. ವಂಶವೃಕ್ಷದ ಕಾತ್ಯಾಯಿನಿ, ತಬ್ಬಲಿಯು ನೀನಾದೆ ಮಗನೆ ಕಾದಂಬರಿಯ ಕಾಳಿಂಗ, ಆವರಣ ಕಾದಂಬರಿಯ ರಝಿಯಾ ಉರುಫ್ ಲಕ್ಷ್ಮಿ ಈ ಪಾತ್ರಗಳ ಬಗ್ಗೆ ಓದುವಾಗ ನಮ್ಮಲ್ಲಿ ನೆಗೆಟಿವ್ ಚಿತ್ರಣ ಮೂಡಿ ಲೇಖಕರೇ ಸರಿ ಎನ್ನುವ ಭಾವ ಮೂಡುತ್ತದೆ. ಆದರೆ ಮುಂದೆ ಓದಿನ ವಿಸ್ತಾರ ಮತ್ತು ಧರ್ಮ, ರಾಜಕಾರಣ, ಸ್ತ್ರೀವಾದ, ವೈಚಾರಿಕತೆಯನ್ನು ಅರಿತುಕೊಂಡು ಓದಲು ಶುರು ಮಾಡಿದ ನಂತರವೇ ಈ ಕಾದಂಬರಿಗಳಲ್ಲಿನ ಕೆಲವು ಅಂಶಗಳು ಎಷ್ಟು ಕರಪ್ಶನ್ ಆಗಿವೆ ಎಂದು ಗೊತ್ತಾಯ್ತು. ಓದುವ ದಾರಿಗಳು ತೆರೆದುಕೊಳ್ಳಬೇಕು ಆಗ ಕರೆಕ್ಷನ್ ಆಫ್ ಟೇಸ್ಟ್ ಗೊತ್ತಾಗುತ್ತದೆ. ಅತ್ಯುತ್ತಮ ಚಿಂತನೆಗೆ ಹಚ್ಚುವ ಲೇಖನ ಬರೆದ ತಮಗೆ ಧನ್ಯವಾದಗಳು.

ಸರ್ ನಮಸ್ಕಾರ ಸಿನಿಮಾ, ಸಾಹಹಿತ್ಯದಲ್ಲಿ ಸಾಮ್ರಾಟರೆನಿಸಿಕೊಂಡವರ ಹೋಲಿಕೆ ಅದ್ಬುತ ಕಲ್ಪನೆ ಅವರೆಲ್ಲ ಮಿತಿಗಳ ಮದ್ಯೆ ಕೂಡ ಬೈರಪ್ಪನವರು ಓದುಗರ ಮೇಲೆ ಹಾವಾಡಿಸಿ ಮೋಡಿ ಮಾಡುತ್ತಿದ್ದರು. ಹಾವಾಡಿಸುವವನು ಹೊಸ ಹಾವು ಈಗತಾನೆ ಹಿಡಿದು ತಂದಿದ್ದೇನೆ ಅದನ್ನ ಮುಂಗುಸಿ ಮೇಲೆ ಬಿಟ್ಟು ಜಗಳವಾಡಿಸುತ್ತೇನೆ ಅದನ್ನು ನೋಡದೆ ಹೋಗಬಾರದೆಂದು ಪ್ರೇಕ್ಷಕರ ಹಿಡಿದಿಟ್ಟುಕೊಳ್ಳುವಂತೆ ಮುಗ್ಧ ಓದುಗರ ಹಿಡಿದಿಟ್ಟುಕೊಳ್ಳುವ ಚಾಕ ಚಕ್ಯತೆ ಅವರ ಬರವಣಿಗೆಯಲ್ಲಿ ಇತ್ತು. ಆದ್ರೆ ಅವರ ಮುಂದಿನ ಕೃತಿ ಅದೇ ಹಾಡು ಅದೇ ತಾಳ ತಿರು ತಿರುಚಿ ಹೇಳುತಿತ್ತು. ಅವರ ಅಗಲುವಿಕೆ ಕನ್ನಡದ ಒಂದು ಓದುವ ವರ್ಗಕ್ಕೆ ತುಂಬಲಾರದ ನಷ್ಟವಂತೂ ಆಗಿದೆ ಎನಿಸುತ್ತದೆ. ಆ ರೀತಿ ಅನಿಸಲು ಕಾರಣ ಆ ವರ್ಗ ಬೇರೆಯವರನ್ನು ಓದುವುದಿಲ್ಲ ಅದು ಒಂದು ದುರಂತ. ಬೈರಪ್ಪವರು ಲೋಕದ ವ್ಯಾಪಾರ ಮುಗಿಸಿ ಸಾರಸ್ವತ ಲೋಕ ಬಿಟ್ಟೋದ ಮರುದಿನ ಕನ್ನಡದ ಮುಗ್ಧ ಓದುಗರೊಬ್ಬರು ಕರೆ ಮಾಡಿ ತುಂಬ ಅಲವತ್ತುಕೊಂಡರು. ಆಯಸ್ಸು ಮುಗಿದ ಮೇಲೆ ಎಲ್ಲರದು ಅದೇ ಕಥೆ ಅಲ್ಲವೇ ಎಂದು ಸಮಾಧಾನ ಪಡಿಸಲು ಯತ್ನಿಸಿದೆ. ಆದ್ರೆ ಅವರ ದುಃಖದ ಮೂಲ ಬೇರೆಯದೆ ಆಗಿತ್ತು. ಸ್ನೇಹಿತರು ಬೈರಪ್ಪನವರು ನಮ್ಮನ್ನು ಅಗಲಿದ ಒಂದು ಒಂದೂವರೆ ತಿಂಗಳ ಘಟನಾವಳಿಗಳ ನೆನಪಿಸಿದರು. 1. ಬೈರಪ್ಪನವರು ತಮ್ಮ ಕೃತಿಯೊಂದರ ಪಾತ್ರಗಳ ಅಧ್ಯಯನಕಾಗಿ ಕಷ್ಟಪಟ್ಟು ಒಂದು ವಾರ ತಂಗಿದ್ದ ಮುಸ್ಲಿಂ ಮನೆ ಹೆಣ್ಣು ಮಗಳು ಭಾನುಮಸ್ಟಾಕ್ ಅವರಿಗೆ ಅಂತರರಾಷ್ಟ್ರೀಯ ಭೂಕರ್ ಪ್ರಶಸ್ತಿ ಬಂದಿತ್ತು. 2. ಕೇಂದ್ರದಲ್ಲಿರುವ ಆಡಳಿತರೂಢರನ್ನು ಹೊರತು ಪಡಿಸಿ ಇಡೀ ದೇಶವೇ ಸಂಭ್ರಮಿಸಿತು. 3. ಕರ್ನಾಟಕದ ಮಟ್ಟಿಗೆ ಅದೊಂದು ಹಬ್ಬವಾಯಿತು. ಕರ್ನಾಟಕ ಸರ್ಕಾರ ಇಡೀ ನಾಡಿಗೆ ಪ್ರಶಸ್ತಿ ಬಂದಂತೆ ಭಾನುಮಸ್ಟಾಕ್ ಮತ್ತು ಅನುವಾದಕಿ ಬಸ್ತಿಯವರಿಗೆ ಕ್ಯೆತುಂಬಾ ಕೊಡುಗೆ ನೀಡಿ ಸನ್ಮಾನಿಸಿತು. 4. ಈ ಸಂಭ್ರಮ ಜನಮನದಿಂದ ಮಾಸುವ ಮುಂಚೆ ಕರ್ನಾಟಕ ಸರ್ಕಾರ ಭಾನುಮಸ್ತಾಕ್ ಅವರನ್ನು ದಸರಾ ಉದ್ಘಾಟನೆಗೆ ಅಹ್ವಾನವಿತ್ತು ಮತ್ತೊಂದು ಅವಘಡಕ್ಕೆ ಕಾರಣವಾಯಿತು. 5. ಬೈರಪ್ಪನವರ ಮುಂಬಾಲಕರು ಹಿಂಬಾಲಕರು ಅಹ್ವಾನ ಹಿಂಪಡೆಯುವಂತೆ ಮಾಡಲು ಶತಾಯ ಗತಾಯ ಪ್ರಯತ್ನಿಸಿದರು. ನ್ಯಾಯಾಲಯದ ಕದತಟ್ಟಿ ಅಲ್ಲ ಎನಿಸಿಕೊಂಡರು 5. ಕೇವಲ ಕಂಣ್ಣೋಟದಲ್ಲಿ ಎಲ್ಲ ಕಾಣುತಿದ್ದ ಬೈರಪ್ಪನವರು ಪರಿತಪಿಸಿದರು. ಹಿಂಬಾಲಕರು ಮುಂಬಾಲಕರು ಎಲ್ಲಾದ್ರೂ ಹಾಳಾಗಿ ಹೋಗ್ಲಿ ಬಿಡಿ ಎನ್ನುತ್ತಿರುವಾಗ ಅವರಿಗೆ ಬರಸಿಡಿಲು ಬಡಿದಂತಾಯಿತು. 6. ಭಾನುಮಸ್ಟಾಕ್ ಯಾವ ಹಿಂದೂ ಹೆಣ್ಣುಮಗಳಿಗೂ ಕಮ್ಮಿಇಲ್ಲ ಎನ್ನುವಂತೆ ದಸರಾ ಉದ್ಘಾಟಿಸಿದರು ಒಳ್ಳೆಯ ಮಾತುಗಳಾಡಿದರು ಹಿಂದೂ ಅಣ್ಣಂದಿರಿಂದ ಭಾಗಿನ ಪಡೆದ ಕವನ ವಾಚಿಸಿದರು. 7. ಕೆಲವೇ ವರ್ಷಗಳ ಹಿಂದೆ ಬೈರಪ್ಪನವರು ದಸರಾ ಉದ್ಘಾಟಿಸಿ ತಮ್ಮ ಮಾಮೂಲಿ ರಾಗ ಹಾಡಿದ್ದರು. 8. ಭಾನುಮಸ್ಟಾಕ್ ನಾಡಿನ ಜನರಿಗೆ ಮತಬೇಧ ಜಾತಿಭೇಧ ಲಿಂಗಬೇಧವಿಲ್ಲದ ಸಮ ಸಮಾಜ ಸ್ಥಾಪನೆಯಾಗುವಂತ ಬಹುತ್ವ ಭಾವನೆ ಜನರಲ್ಲಿ ಹಾಸುಹೊಕ್ಕಾಗಿರಲಿ ಎಂಬಂತ ಮಾತುಗಳಾಡಿದರೆ ತಮ್ಮ ಬಾಯಲ್ಲೇಕೆ ಅಂತ ಒಳ್ಳೆಯ ಮಾತು ಅಂದು ಹೊರಡಲಿಲ್ಲ ಎಂಬಂತೆ ಬೈರಪ್ಪನವರ ಆತ್ಮ ಮಿಲುಗುಟ್ಟುತಿದ್ದರೆ ಮುಂಬಾಲಕ ಹಿಂಬಾಲಕರ ಆತ್ಮಗಳು ಪತರಗುಟ್ಟುತಿದ್ದವು. ಇಷ್ಟು ದೀರ್ಘವಾಗಿ ಮಾತನಾಡುತಿದ್ದ ಸ್ನೇಹಿತರ ಮತ್ತೆ ಕೇಳಿದೆ ನಿಮಗಣಿಸಿದ್ದು ನಿಜವಾ ಎಂದ. ಮತ್ತೊಮ್ಮೆ ಮಗದೊಮ್ಮೆ ಪ್ರಮಾಣಿಸಿ ಹೇಳುತ್ತೇನೆ ನಾನು ಹೇಳುತ್ತಿರುವುದು ಸತ್ಯ ನಾನು ಸತ್ಯವನಲ್ಲದೆ ಬೇರೇನೂ ಹೇಳುವುದಿಲ್ಲ. ಅವರ ಮಾತು ಕೇಳಿ ಸ್ನೇಹಿತರ ಅನಿಸಿಕೆ ಸತ್ಯಕೆ ಎಷ್ಟು ಹತ್ತಿರವಾಗಿದೆಯಲ್ಲ!! ಅವರವರ ಭಾವಕ್ಕೆ ಅವರವರ ಭಕುತಿಗೆ.