ಬಹುಶಃ, ಓದದ ಪುಸ್ತಕಗಳು ಹುಟ್ಟಿಸುವ ಭಯದ ಬಗ್ಗೆ ಅಷ್ಟಾಗಿ ಎಲ್ಲೂ ಓದಿರಲಿಲ್ಲ ಮತ್ತು ಅದು ಚರ್ಚೆಯಾಗಿರುವುದನ್ನು ನಾನು ಕಂಡಿಲ್ಲ. ಹಿಂದೆ ನಾನು ಓದುತ್ತಿದ್ದ ಕಾಲೇಜಲ್ಲಿ ವಿದ್ಯಾರ್ಥಿಗಳಿಂದ ಹಿಡಿದು ಪ್ರೊಫೆಸರ್ ಗಳವರೆಗೂ ಯಾರು ಎಂದೂ ಒಂದು ಪುಸ್ತಕವನ್ನು ಉಲ್ಲೇಖಿಸದೇ ಮಾತನಾಡುತ್ತಿದ್ದದ್ದು ನನ್ನಲ್ಲಿ ಇದೇಗೆ ಜಗತ್ತಿನ ವಿಚಾರಗಳನ್ನೆಲ್ಲ ಇವರು ಮಾತನಾಡುತ್ತಾರೆ ಎಂಬ ದಿಗ್ಭ್ರಮೆ ಮೂಡಿಸುತ್ತಿತ್ತು. ಎಲ್ಲೋ ಯಾರು ಕೂಡ ತಮ್ಮ ಜ್ಞಾನ ಮೂಲದ ಬಗ್ಗೆ ಸುಳಿವು ಬಿಟ್ಟುಕೊಡುತ್ತಿಲ್ಲ ಅನಿಸಿ, ಆ ಇಂಪ್ರೆಷನ್ ಮೂರು ವರ್ಷಗಳವರೆಗೂ ನನ್ನಲ್ಲಿ ಹಾಗೇ ಉಳಿದು ಬಂದಿತು. ಹಿಂದೆ ಇಂಗ್ಲಿಷ್ ಸಾಹಿತ್ಯ/ಭಾಷೆ ಅಂದ್ರೆ ನನಗೆ ಸಂಬಂಧಿಸಿಯೇ ಇಲ್ಲ ಅನ್ನೋ ಆಳವಾದ ನಂಬಿಕೆ ಇತ್ತು. ಯಾವಾಗ ಗಾಳಿ ಬೆಳಕಿನ exposure ಸಿಗ್ತೋ ಆಗ ನನ್ನ ಪೂರ್ವಗ್ರಹಗಳು ಕರಗುತ್ತಾ ಬಂದಿತು. ಕ್ಲಾಸಲ್ಲಿ ಒಬ್ಬರು ಪ್ರೊಫೆಸರ್ ಜಗತ್ತಿನ ನಾನಾ ಪಠ್ಯಗಳನ್ನು ಸಂಧಿಸುತ್ತಾ ಕೊಡುವ ಒಳನೋಟಗಳನ್ನು ಕಂಡಾಗ ನನ್ನೊಳಗಿನ ಹಸಿವು ತಣಿದಂತೆ, ಎಲ್ಲೋ ಮೂಲೆಯಲ್ಲಿ "ಇವೆಲ್ಲಾ ನಾನ್ ಓದಲಿಕ್ಕಾಗುತ್ತದೆಯಾ?" ಎಂಬ ಅಳುಕು ಮೂಡುತ್ತದೆ. ಅದೇ ನಿಟ್ಟಿನಲ್ಲಿ ನಮಗೆ ಯಾವಾಗ ಒಂದು ಸಾಹಿತ್ಯ ತಟ್ಟಲೇಬೇಕು ಅಂತಿರುತ್ತದೋ ಆಗ ಅದೇ ನಮ್ಮನ್ನು ಕರೆಸಿಕೊಳ್ಳುತ್ತದೆ ಅನ್ನೋದು ನನ್ನ ಚಿಗುರು ನಂಬಿಕೆ. ತಾವು ಒಂದು ಕಾರ್ಯಕ್ರಮದಲ್ಲಿ ಕುವೆಂಪುರವರ "ನಾನೇರುವ ಎತ್ತರಕ್ಕೆ ನೀನೇರಬಲ್ಲೇಯಾ?" ಎಂಬ ಮಾತನ್ನು ವ್ಯಾಖ್ಯಾನಿಸಿದ್ದು ಯಾವುದೇ ಪಠ್ಯ ಓದಲು ಶುರುಮಾಡಿದಾಗ, ಅದು ಕಷ್ಟವಿದ್ದರೂ, ಅರ್ಥವಾಗದ ಪದಗಳ ರಾಶಿ ಇದ್ದರೂ, "ಇಲ್ಲ, ಇದು ನನ್ನನ್ನು ಕವಿ/ಸಾಹಿತಿ ಏರಿದ ಮಟ್ಟಕ್ಕೆ ಕರೆದೊಯ್ಯುತ್ತೆ" ಎಂಬ ಬಲವಾದ ನಂಬಿಕೆಯನ್ನು ಹುಟ್ಟಿಸುತ್ತದೆ. ದೊಡ್ಡ ದೊಡ್ಡವರು ತಮ್ಮ ಭಯವನ್ನು ಹೇಳಿಕೊಂಡಾಗ ನನ್ನಂತ ಸಣ್ಣವರ ಮನಸ್ಸೊಳಗಿನ ಭಯವು ನಿವಾರಣೆಯಾಗುತ್ತದೆ ಅನ್ನೋದು ನನ್ನದೊಂದು ಸ್ಟಡಿ!

ಸಂಶೋಧನಾ ವಿದ್ಯಾರ್ಥಿ ವಿದ್ಯಾರ್ಥಿನಿಯರಿಗೆ ತುಂಬಾ ಅಗತ್ಯವಾದ ಪುಸ್ತಕ ಇದು ಮೂರು ಮುದ್ರಣ ಸಂತೋಷ ತಂದಿದೆ ಸಾರ್.

ನಾನು ತರಿಸಿಕೊಂಡು ಓದುತ್ತಿರುವೆ ಸರ್

ನಿಮ್ಮ ಪುಸ್ತಕದ ಬಿಡುಗಡೆಯ ಕಾರ್ಯಕ್ರಮದಲ್ಲಿ ಹಾಜರಿದ್ದೆ. ಕಿ. ರಂ. ಸರ್ ಅಂದು ಅಮೋಘ ಭಾಷಣ ಮಾಡಿದರು. ಕೆಲ ಭಾಗಗಳನ್ನು ನಾನು ಬರೆದುಕೊಂಡೆ. ಫ್ರೆಂಚ್ ಫಿಲಾಸಫರ್ ಲೂಯಿಸ್ ಆಲ್ತುಸರ್ ಪುಸ್ತಕಗಳನ್ನು ನೇರವಾಗಿ ಬರೆದದ್ದು ಕಡಿಮೆಯಂತೆ. ಅವರ ಭಾಷಣಗಳನ್ನು ಉತ್ಸಾಹಿ ಶಿಷ್ಯರು ಬರೆದುಕೊಂಡು ನಂತರ ಆಲ್ತುಸರ್ ಹತ್ತಿರ ಕೊಟ್ಟು correction ಮಾಡಿಸುತ್ತಿದ್ದರಂತೆ. ಅಂತಹವುಗಳನ್ನು ಕ್ರೋಡೀಕರಿಸಿ ಪ್ರಬಂಧಗಳ ಸಂಕಲನವನ್ನು ಪ್ರಕಟಿಸುತ್ತಿದ್ದರಂತೆ. ಕಿ. ರಂ ಶಿಷ್ಯರೂ ಆ ರೀತಿ ಅವರ ಭಾಷಣಗಳನ್ನು ಬರೆದುಕೊಂಡಿದ್ದರೆ ಎಂಥ ನಿಧಿ ದಕ್ಕುತ್ತಿತ್ತು?

ಲೇಖನ ಓದಿ ಸಂತೋಷವಾಯ್ತು. ಓದಿರುವ ಪುಸ್ತಕಗಳಿಗಿಂತ ಕಣ್ಣಾಡಿಸಿದ, ಓದದೇ ಇರುವ ಪುಸ್ತಕಗಳು ನನ್ನಲ್ಲೂ ಇದ್ದು ದಿಗಿಲು ಹುಟ್ಟಿಸುತ್ತಿದ್ದವು. ಈ ಲೇಖನ ಓದಿದ ಮೇಲೆ I am not alone ಅನ್ನಿಸಿ ನಿರಾಳನಾದೆ.

ಒಳ್ಳೆಯ ಲೇಖನ. ಓದದಿರುವ ಪುಸ್ತಕಗಳು ಹುಟ್ಟಿಸುವ ವಿಷಾದ ಭಾವ ನಿಜವಾದ ಪುಸ್ತಕ ಪ್ರೇಮಿಗಳೆಲ್ಲರೊಳಗೂ ಇರುತ್ತದೆನಿಸುತ್ತೆ. ಸಾಯುವುದರೊಳಗೆ ಬಹುಶಃ ಇವನ್ನೆಲ್ಲಾ ಓದಲಾರೆನೆನಿಸುತ್ತೆ ಅಂತ ಬಹಳ ಸಲ ನಾನು ಕೊರಗಿದ್ದೇನೆ. ಯಾರೋ ಪ್ರಸ್ತಾಪಿಸಿದ ಪುಸ್ತಕ ತಕ್ಷಣ ತರಿಸಿ ಓದಿದ್ದಿರುವಂತೆಯೇ ಹುಡುಕಾಡಿ ತರಿಸಿದ ಪುಸ್ತಕ ಓದದೆ ಎಷ್ಡೋ ಕಾಲ ತಳ್ಳಿದ್ದೂ ಇದೆ. ಅದು ಆಗಾಗಿನ ಹುಕಿಗೆ ಸಂಬಂಧಿಸಿದ್ದು. ಇದೆಲ್ಲಾ ಸರಿ. ಜಾಸ್ತಿ ಪುಸ್ತಕ ಓದಿದವರೆಲ್ಲಾ ಜಾಸ್ತಿ ಜ್ಞಾನಿಗಳಾಗುತ್ತಾರೆ ಎನ್ನುವ ಖಾತ್ರಿಯೇನೂ ಇದ್ದಂತಿಲ್ಲ. ಓದಿದ ಪುಸ್ತಕಗಳ ಪಟ್ಟಿ ಹೇಳಿ ಬೇರೆಯವರನ್ನು ಇಂಪ್ರೆಸ್ ಮಾಡುವ ಅಥವಾ ಹೆದರಿಕೆ ಹುಟ್ಟಿಸುವ ಜಾಣರಿರುವುದು ನಿಜ. ಓದಿದ್ದೆಲ್ಲಾ ದಕ್ಕುವುದಿಲ್ಲ. ಏನನ್ನು ಜೀರ್ಣ ಮಾಡಿಕೊಳ್ಳಬಲ್ಲೆವೋ ಅದು ಮಾತ್ರ ರಕ್ತವಾಗುತ್ತದೆ. ಓದಿನ ಸಂತೋಷವನ್ನು ಮಾತ್ರ ಕೈಬಿಡುವಂತಿಲ್ಲ.

ಮೂರನೇ ಮುದ್ರಣದ ಮುಖಪುಟ ಚೆನ್ನಾಗಿದೆ. ಚಿಯರ್ಸ್

ಓದದ ಪುಸ್ತಕಗಳ ಭಯದ ಜೊತೆಗೆ ಇಂಥದೊಂದು ಪುಸ್ತಕ ಓದಲಿಲ್ಲವಲ್ಲ ಎಂಬ ಹಳಹಳಿಕೆಯಂತೂ ಸಾಮಾನ್ಯ. ಅಲ್ಲದೆ ನಿಮ್ಮಂಥವರು ಉಲ್ಲೇಖಿಸಿರುವ ಪುಸ್ತಕಗಳನ್ನು ಓದಿಯೇ ಇಲ್ಲವೆಂಬ ವಿಷಾದವಂತೂ ಕಾಡಿಯೇ ಕಾಡುತ್ತದೆ.

ತುಂಬಾ ಕೆನೆಕ್ಟ ಆಗುವ ಬರಹ ಸರ್, ಓದದೆಯೆ ಇರುವ ಪುಸ್ತಕಗಳನ್ನು ನೋಡಿದಾಗೊಮ್ಮೆ ಬೇಸರ, ಕಳವಳ‌ ಹಾಗೂ ಗಿಲ್ಟ್ ಫೀಲ್ ಆಗುತ್ತದೆ. ನಾನು ಓದಿದ್ದರೆನೆಂತೆ ಬೇರೆಯವರಿಗಾದರು ಕೊಡೋಣ ಅಂತ ಯೋಚಿಸಬೇಕಾದರೆ ನನ್ನ ಡಿಪಾರ್ಟ್ಮೆಂಟ್ ನಲ್ಲೆ ಕೆಲಸ ಮಾಡುವ ಅಟೆಂಡರ್ ಒಮ್ಮೆ ನನಗೆ ಹೇಳಿದ್ದು ನೆನಪಾಯ್ತು, ದಿನಾಲೂ ಅವರಿಗೆ ಒಂದೆ ಕಡೆ ಕುಳಿತು ಬೇಜಾರಾಗುತ್ತೆ, ಅಷ್ಟೇನು ಕೆಲಸವಿಲ್ಲ ಎಂದಾಗ ತಟ್ವಟನೆ ಪುಸ್ತಕಗಳ ನೆನಪಾಗಿ ಪುಸ್ತಕ ಓದುವ ಹವ್ಯಾಸವಿದೆಯೆ ಕೇಳಿದೆ, ಅವರು ನನಗೆ ಇಂಗ್ಲೀಷ್ ಓದಲು ಬರುವುದಿಲ್ಲ ಆದರೆ ಕನ್ನಡ ಓದುತ್ತೇನೆ ಅಂದರು. ನನಗೆ ಏನೊ ಸಾಧಿಸಿ ಬಿಟ್ಟೆ ಅನ್ನುವ ಖುಷಿ. ಅವರಿಗೆ ನನ್ನ ಪುಸ್ತಕ ಕೊಟ್ಟಿದ್ದೇನೆ ಓದುತ್ತಾ ಇದ್ದಾರೆ. ನಾನು ಹೇಗಿದೆ ಅಂತಾ ಕೇಳಿದಾಗೋಮ್ಮೆ ಬಹಳ ಚೆನ್ನಾಗಿದೆ ಓದಲು ಓದಿಸಿಕೊಂಡೆ ಹೋಗುತ್ತೆ ಅಂದಾಗ ನನ್ನ ಖುಷಿಗೆ ಪಾರವೆ ಇಲ್ಲ. ಎಲ್ಲೊ ಸುಪ್ತ ಮನಸ್ಸಿನಲ್ಲಿ ನಾನೇನೊ ದೊಡ್ಡ ಸಾಧನೆ ಮಾಡಿದ್ದೇನೆ ಅನ್ನಿಸುತ್ತದೆ😁

ತುಂಬಾ ಕೆನೆಕ್ಟ ಆಗುವ ಬರಹ ಸರ್, ಓದದೆಯೆ ಇರುವ ಪುಸ್ತಕಗಳನ್ನು ನೋಡಿದಾಗೊಮ್ಮೆ ಬೇಸರ, ಕಳವಳ‌ ಹಾಗೂ ಗಿಲ್ಟ್ ಫೀಲ್ ಆಗುತ್ತದೆ. ನಾನು ಓದಿದ್ದರೆನೆಂತೆ ಬೇರೆಯವರಿಗಾದರು ಕೊಡೋಣ ಅಂತ ಯೋಚಿಸಬೇಕಾದರೆ ನನ್ನ ಡಿಪಾರ್ಟ್ಮೆಂಟ್ ನಲ್ಲೆ ಕೆಲಸ ಮಾಡುವ ಅಟೆಂಡರ್ ಒಮ್ಮೆ ನನಗೆ ಹೇಳಿದ್ದು ನೆನಪಾಯ್ತು, ದಿನಾಲೂ ಅವರಿಗೆ ಒಂದೆ ಕಡೆ ಕುಳಿತು ಬೇಜಾರಾಗುತ್ತೆ, ಅಷ್ಟೇನು ಕೆಲಸವಿಲ್ಲ ಎಂದಾಗ ತಟ್ವಟನೆ ಪುಸ್ತಕಗಳ ನೆನಪಾಗಿ ಪುಸ್ತಕ ಓದುವ ಹವ್ಯಾಸವಿದೆಯೆ ಕೇಳಿದೆ, ಅವರು ನನಗೆ ಇಂಗ್ಲೀಷ್ ಓದಲು ಬರುವುದಿಲ್ಲ ಆದರೆ ಕನ್ನಡ ಓದುತ್ತೇನೆ ಅಂದರು. ನನಗೆ ಏನೊ ಸಾಧಿಸಿ ಬಿಟ್ಟೆ ಅನ್ನುವ ಖುಷಿ. ಅವರಿಗೆ ನನ್ನ ಪುಸ್ತಕ ಕೊಟ್ಟಿದ್ದೇನೆ ಓದುತ್ತಾ ಇದ್ದಾರೆ. ನಾನು ಹೇಗಿದೆ ಅಂತಾ ಕೇಳಿದಾಗೋಮ್ಮೆ ಬಹಳ ಚೆನ್ನಾಗಿದೆ ಓದಲು ಓದಿಸಿಕೊಂಡೆ ಹೋಗುತ್ತೆ ಅಂದಾಗ ನನ್ನ ಖುಷಿಗೆ ಪಾರವೆ ಇಲ್ಲ. ಎಲ್ಲೊ ಸುಪ್ತ ಮನಸ್ಸಿನಲ್ಲಿ ನಾನೇನೊ ದೊಡ್ಡ ಸಾಧನೆ ಮಾಡಿದ್ದೇನೆ ಅನ್ನಿಸುತ್ತದೆ😁

ಓದದ ಪುಸ್ತಕಗಳ ಭಯ ಒಂದು ತೆರನಾದ ಸಂಕಟವಾದರೆ, ಓದಿದ್ದು ಸಕಾಲದಲ್ಲಿ ನೆನಪಿಗೆ ಬಾರದೆ ಕಾಡಿಸುವುದು ಮತ್ತೂ ಕಠೋರವಾದದ್ದು. ನಾನು ಎರಡೂ ಸಂಕಟಗಳ ಸಮುದ್ರದಲ್ಲಿ ಈಸುತ್ತಿದ್ದೇನೆ. ಒಂದು ಪುಸ್ತಕ ಓದಿ ಮುಗಿಸುವ ಮುನ್ನ ಮತ್ತೊಂದು ಹೊಸ ಪುಸ್ತಕ ಎದುರಿಗೆ ಕುಳಿತು ಕೇಕೆ ಹಾಕಿ ನಗುತ್ತದೆ. ಹಲವು ಪುಸ್ತಕಗಳನ್ನು ಒಟ್ಟಿಗೆ (ಅಂದರೆ ಬೆಳಗಿನ ಬಿಡುವಲ್ಲಿ ಎಚ್ಚರದ ಓದಿಗೆ ಒಂದು, ಮಧ್ಯಾಹ್ನದ ಸಿಯೆಸ್ಟಾ ಜೊತೆಗೆ ಓದಬಹುದಾದ್ದಕ್ಕೆ ಒಂದು, ರಾತ್ರಿ ಮಲಗುವ ಮುನ್ನ ಹಾಸಿಗೆಯ ಪಕ್ಕದಲ್ಲಿ ಇರಿಸಿಕೊಂಡ ಮತ್ತೊಂದು... ಹೀಗೆ) ಓದುವ ನನ್ನ ಅಭ್ಯಾಸವು ದಿನವೊಂದಕ್ಕೆ ಇನ್ನೂರು ಪುಟ ಓದಿಸುತ್ತದೆಯಾದರೂ ಇನ್ನೂ ಓದದೆ ಉಳಿದಿರುವ ಪುಸ್ತಕಗಳು ಸದಾ ಕಣ್ಣೆದುರು ಕುಣಿಯುತ್ತವೆ. ಇನ್ನು, ಇಷ್ಟೆಲ್ಲಾ ಓದಿದ್ದನ್ನು ಆಗೀಗ ಸಣ್ಣ ಪುಸ್ತಕದಲ್ಲಿ ಟಿಪ್ಪಣಿ ಮಾಡಿದ್ದರೂ, ಯಾವುದೋ ಲೇಖನ ಬರೆಯುವಾಗ ಅಥವಾ ಭಾಷಣ ಮಾಡುವಾಗ ಸಕಾಲದಲ್ಲಿ ಓದಿರುವ ಪುಸ್ತಕದ ಅಥವಾ ಲೇಖಕನ ಹೆಸರು ನೆನಪಾಗದೆ "ಇದೇನಿದು" ಎನಿಸಿದ್ದೂ ಇದೆ. ನಿಮ್ಮಂತಹವರು ಈ ಸಂಕಟದ ಸಮುದ್ರ ಈಸುವುದು ಹೇಗೆಂದು ಕಲಿಸಬೇಕಷ್ಟೇ... - ಬಿ ಸುರೇಶ

ಬಹಳ ಪ್ರಾಮಾಣಿಕ ಅನಿಸಿಕೆ . ಇವು ಲೇಖಕರಿಗೆ ಇರಲೇ ಬೇಕಾದ ಭಯ . ಕಡೆಗೂ ಅವರ ಸಹಜ ಪ್ರತಿಭೆಯೇ ನೆರವಿಗೆ ಬರುವುದು . ಲೇಖಕರ ಸಂತೋಷಕ್ಕೆ ಬರೆಯುವ ಪುಸ್ತಕಗಳು ಓದುಗರಿಗೆ ಎಷ್ಟು ಜ್ಞಾನ ಮತ್ತು ಮುದವನ್ನು ದಾಟಿಸುತ್ತವೆ ಎನ್ನುವುದೇ ಲೇಖಕರ ಯಶಸ್ಸು .

'ಓದದ ಪುಸ್ತಕಗಳು' ಲೇಖನ ಚೆನ್ನಾಗಿದೆ. ಓದಬೇಕೆಂದರೂ ಓದಲಾಗದ, ಒಂದೊಂದು ಬಾರಿ ಎಷ್ಟೊಂದು ಓದುವುದಿದೆಯಲ್ಲಾ ಎಂಬ ಗಾಬರಿ ಬಹುಶಃ ಎಲ್ಲರಿಗೂ ಕಾಡುವ ತುಡಿತವಿರಬೇಕು. ಥೀಸಿಸ್ ಗಳು ಒಂದು ಕಾಲಗಟ್ಟದಲ್ಲಿ ಬರೆದದ್ದಾಗಿದ್ದು ನೀವು ಹೇಳಿದ ಒಂದರ್ಥದಲ್ಲಿ ಇನ್ನೂ ಪೂರ್ಣವಾಗಬೇಕಾದ ಕೃತಿಗಳಾಗಿರುತ್ತವೆ. ಎಲ್ಲರಿಗೂ ಒಂದಲ್ಲ ಒಂದು ಬಾರಿ ಕಾಡುವ ಚಿಂತನೆಗಳನ್ನು ನೀವು ಹಿಡಿದಿಡುವ ರೀತಿ ಅಚ್ಚರಿ ಹುಟ್ಟಿಸುತ್ತದೆ.

ಬಹಳ ಪ್ರಾಮಾಣಿಕ ಅನಿಸಿಕೆ . ಇವು ಲೇಖಕರಿಗೆ ಇರಲೇ ಬೇಕಾದ ಭಯ . ಕಡೆಗೂ ಅವರ ಸಹಜ ಪ್ರತಿಭೆಯೇ ನೆರವಿಗೆ ಬರುವುದು . ಲೇಖಕರ ಸಂತೋಷಕ್ಕೆ ಬರೆಯುವ ಪುಸ್ತಕಗಳು ಓದುಗರಿಗೆ ಎಷ್ಟು ಜ್ಞಾನ ಮತ್ತು ಮುದವನ್ನು ದಾಟಿಸುತ್ತವೆ ಎನ್ನುವುದೇ ಲೇಖಕರ ಯಶಸ್ಸು .

ಓದದೆ ಇರುವ, ಓದಬೇಕೆನ್ನುತ್ತಲೇ ಕಾಲ ಕಳೆವರಿಗೆ ಧೈರ್ಯ ತುಂಬುವ ಈ ಲೇಖನ.

ಪ್ರತಿ ವ್ಯಕ್ತಿಯ ಹಸಿವಿನ ಪರಿಮಾಣ ಅವರು ಸೇವಿಸುವ ಆಹಾರ ಪ್ರಮಾಣವನ್ನು ನಿರ್ಧರಿಸಿದರೆ, ಓದುಗನ ಓದಿನ ದಾಹ ತನ್ನ ಪುಸ್ತಕ ಸಂಗ್ರವನ್ನು ನಿರ್ಧರಿಸುತ್ತದೆ. ಸಂಗ್ರಹ ಮಾಡಿದರೆ ಸಾಲದು ಅವನ್ನು ಸತ್ವ ಹಿರುವ ಕ್ರಮ ಕೂಡ ತಿಳಿದರಬೇಕು ಅಂಬೇಡ್ಕರ್ ಯು.ಆರ್. ರಾವ್ ಪುಸ್ತಕ ಬಂಡಾರವನ್ನು ಒಮ್ಮೆ ನೋಡಿ ‘ಇಷ್ಟು ಪುಸ್ತಕಗಳನ್ನು ಯಾವಾಗ ಓದುತ್ತಿರಿ?’ . ‘ಓದುವುದು ಎಂದರೇನು? ಹೇಳಿ’ ಎಂದು ಕೇಳುತ್ತಾರೆ. ಮೊದಲ ಪುಟದಿಂದ ಕೊನೆಯ ಪುಟದವರೆಗೆ ಓದಿ ಅದನ್ನು ಅರಗಿಸಿಕೊಂಡು ವಿಶ್ಲೇಷಿಸಿ ನೆನಪಿಸಿಕೊಳ್ಳುವುದು ಎಂದು ಉತ್ತರ ಕೊಟ್ಟರು ರಾವ್. ಆಗ ಅಂಬೇಡ್ಕರ್, ‘ಇಲ್ಲ ಇಲ್ಲ ನನ್ನದು ಆ ಶೈಲಿಯಲ್ಲ. ಕೆಲವೇ ಪುಸ್ತಕಗಳು ಮಾತ್ರ ಆಳ ಓದಿಗೆ, ಸಂಪೂರ್ಣ ಓದಿಗೆ ಪ್ರಶಸ್ತ ವಾಗಿರುತ್ತವೆ. ಉಳಿದಂತೆ ನಾನು ಪುಸ್ತಕ ನೋಡಿದ ಕೂಡಲೇ ಅದರ ಪರಿವಿಡಿ ಪರಿಚಯ ಬೆನ್ನುಡಿ ಮುನ್ನುಡಿಗಳನ್ನು ನೋಡುತ್ತೇನೆ. ಆನಂತರವಷ್ಟೇ, ನನಗೆ ಅದು ಬೇಕು ಬೇಡವೋ ಎಂದು ನಿರ್ಧರಿಸುತ್ತೇನೆ" ಎನ್ನುತ್ತಾರೆ. ಡಿ ಅರ್ ಕ್ರಮ ಇನ್ನೊಂದಿರಬಹುದು ಆದರೆ ಪುಸ್ತಕ ಒಂದಲ್ಲ ಒಂದು ಸಲ ಓದಿಸಿಕೊಳ್ಳುತ್ತದೆ ವಿಶೇಷವೆಂದರೆ ಲಂಡನ್ ಬಾರ್‌ ಕೂಡ ಓದಿನ ಭಾಗ ಅಲ್ಲಿ ಹಲವು ಪುಸ್ತಕ ಸಂಗ್ರಹ ಇರುತ್ತವೆ; ಜೊತೆಗೆ ತಂಪು ಬಿಯರ್‌. ಹನಿ ಹನಿ ಬಿಯರ್‌ ಹೀರುತ್ತಾ ಪೇಜ್‌ ತಿರುಗಿಸಬಹುದು.

ಪ್ರತಿ ವ್ಯಕ್ತಿಯ ಹಸಿವಿನ ಪರಿಮಾಣ ಅವರು ಸೇವಿಸುವ ಆಹಾರ ಪ್ರಮಾಣವನ್ನು ನಿರ್ಧರಿಸಿದರೆ, ಓದುಗನ ಓದಿನ ದಾಹ ತನ್ನ ಪುಸ್ತಕ ಸಂಗ್ರವನ್ನು ನಿರ್ಧರಿಸುತ್ತದೆ. ಸಂಗ್ರಹ ಮಾಡಿದರೆ ಸಾಲದು ಅವನ್ನು ಸತ್ವ ಹಿರುವ ಕ್ರಮ ಕೂಡ ತಿಳಿದರಬೇಕು ಅಂಬೇಡ್ಕರ್ ಯು.ಆರ್. ರಾವ್ ಪುಸ್ತಕ ಬಂಡಾರವನ್ನು ಒಮ್ಮೆ ನೋಡಿ ‘ಇಷ್ಟು ಪುಸ್ತಕಗಳನ್ನು ಯಾವಾಗ ಓದುತ್ತಿರಿ?’ . ‘ಓದುವುದು ಎಂದರೇನು? ಹೇಳಿ’ ಎಂದು ಕೇಳುತ್ತಾರೆ. ಮೊದಲ ಪುಟದಿಂದ ಕೊನೆಯ ಪುಟದವರೆಗೆ ಓದಿ ಅದನ್ನು ಅರಗಿಸಿಕೊಂಡು ವಿಶ್ಲೇಷಿಸಿ ನೆನಪಿಸಿಕೊಳ್ಳುವುದು ಎಂದು ಉತ್ತರ ಕೊಟ್ಟರು ರಾವ್. ಆಗ ಅಂಬೇಡ್ಕರ್, ‘ಇಲ್ಲ ಇಲ್ಲ ನನ್ನದು ಆ ಶೈಲಿಯಲ್ಲ. ಕೆಲವೇ ಪುಸ್ತಕಗಳು ಮಾತ್ರ ಆಳ ಓದಿಗೆ, ಸಂಪೂರ್ಣ ಓದಿಗೆ ಪ್ರಶಸ್ತ ವಾಗಿರುತ್ತವೆ. ಉಳಿದಂತೆ ನಾನು ಪುಸ್ತಕ ನೋಡಿದ ಕೂಡಲೇ ಅದರ ಪರಿವಿಡಿ ಪರಿಚಯ ಬೆನ್ನುಡಿ ಮುನ್ನುಡಿಗಳನ್ನು ನೋಡುತ್ತೇನೆ. ಆನಂತರವಷ್ಟೇ, ನನಗೆ ಅದು ಬೇಕು ಬೇಡವೋ ಎಂದು ನಿರ್ಧರಿಸುತ್ತೇನೆ" ಎನ್ನುತ್ತಾರೆ. ಡಿ ಅರ್ ಕ್ರಮ ಇನ್ನೊಂದಿರಬಹುದು ಆದರೆ ಪುಸ್ತಕ ಒಂದಲ್ಲ ಒಂದು ಸಲ ಓದಿಸಿಕೊಳ್ಳುತ್ತದೆ ವಿಶೇಷವೆಂದರೆ ಲಂಡನ್ ಬಾರ್‌ ಕೂಡ ಓದಿನ ಭಾಗ ಅಲ್ಲಿ ಹಲವು ಪುಸ್ತಕ ಸಂಗ್ರಹ ಇರುತ್ತವೆ; ಜೊತೆಗೆ ತಂಪು ಬಿಯರ್‌. ಹನಿ ಹನಿ ಬಿಯರ್‌ ಹೀರುತ್ತಾ ಪೇಜ್‌ ತಿರುಗಿಸಬಹುದು.

'ಓದದ ಪುಸ್ತಕಗಳ ನಿತ್ಯ ಭಯ' ನನ್ನಲ್ಲಿದ್ದ ಭಯವನ್ನು ಬಯಲಿಗೆಳೆಯಿತು. ನಾನು ಕೊಂಡು ತಂದ, ಓದದಿರುವ ಪುಸ್ತಕಗಳು ನನ್ನನ್ನು ಅಣಕಿಸುತ್ತಿವೆ ಎನ್ನುವ ಭಾವ ಕಾಡುತ್ತಿತ್ತು. ಅವುಗಳನ್ನು ನೋಡಿದಾಗ ಏನೋ ಒಂಥರಾ ಮುಜುಗರ, ಕಸಿವಿಸಿ, ಅಳುಕು ಉಂಟಾಗುತ್ತಿತ್ತು. ಅವನ್ನು ಕೊಂಡು ತರುವವರೆಗೂ ಇದ್ದ ಉತ್ಸಾಹ, ತಂದಾದ ಮೇಲೆ ಕಡಿಮೆಯಾಗುತ್ತಿದೆ ಎಂಬ ಭಾವ ಕಾಡುತ್ತಿತ್ತು. ಅದು ನಿಜವಾಗಿಯೂ ಭಯವೆಂಬುದು ಈ ಲೇಖನ ಓದಿದ ಮೇಲೆಯೇ ಸ್ಪಷ್ಟವಾಗಿದ್ದು. ಇಂತಹ ಅವ್ಯಕ್ತವಾದ ಓದದಿರುವ ಪುಸ್ತಕಗಳ ಭಯದ ವಿಶ್ಲೇಷಣೆ ಓದಿ ತುಸು ನಿರಾಳ ಭಾವ ಮೂಡಿರುವುದಂತೂ ನಿಜ. ಕಾರಣ, ಈ ಭಯದಿಂದ ಬಳಲುತ್ತಿರುವವರು ಹಲವರು ಇದ್ದಾರೆ ನನ್ನ ಹಾಗೆ ಎಂಬ ಸಮಾಧಾನ. ಇನ್ನು ಮುಂದಾದರೂ ಈ ಭಯದಿಂದ ಹೊರಬರಬೇಕೆಂಬ ನನ್ನ ಈಗಿನ ಭಾವ ಕಾರ್ಯರೂಪಕ್ಕೆ ಬರಲಿ ಎಂದು ಬಯಸುತ್ತೇನೆ. ಅಂದ ಹಾಗೆ ಓದಿನ ವಿಷಯದಲ್ಲಿ ಭಯೋತ್ಪಾದನೆ ಶುರುಮಾಡಿ, ದುಃಸ್ವಪ್ನವಾಗಿದ್ದ ಎಂ.ಎ., ತರಗತಿಯ ಸಹಪಾಠಿ ಬೆಳವಾಡಿಯಲ್ಲವೆ?

ಸರ್ ತಡವಾಗಿ ಓದಿದೆ.ಎಷ್ಟೊಂದು ಒಳ್ಳೆಯ ಲೇಖನ.ಓದುವುದು,ಓದುವುದನ್ನು ಹಂಚಿಕೊಳ್ಳುವುದು ಪ್ರೇರೇಪಿಸುವುದು,ಓದದೇ ಇರುವ ಪುಸ್ತಕಗಳ ಬಗಗೆ ಪರಿತಪಿಸುವುದು ಇದೇ ಜೀವನವಲ್ಲವೇ?ಓದುವ ಖುಷಿಯೇ ಗೊತ್ತಿಲ್ಲದಿರುವ ಅಸಂಖ್ಯಾತ ಜನಗಳು ,ಗೊತ್ತಿದ್ದರೂ ನಿರ್ಲಕ್ಷಿಸುವವರಿಗೆ ಮರುಕ ಪಡದೇ ವಿಧಿಯಿಲ್ಲ ಅಲ್ಲವೇ?

ಓದದ ಪುಸ್ತಕಗಳ ಬಗೆಗಿನ ಲೇಖನ ತುಂಬ ಇಷ್ಟವಾಯಿತು. ‘ಆಫ್ರಿಕನ್...’ ಪುಸ್ತಕದ ಮೂರನೆಯ ಮುದ್ರಣದ ಮುಖಪುಟ ವಿಶೇಷವಾಗಿದೆ,

ಪುಸ್ತಕಗಳ ಓದಿಗೆ ಪ್ರೇರೇಪಿಸುವ ಬರಹ

ಡೆರಿಡಾ ಹೇಳಿದ್ದು ನೂರಕ್ಕೆ ನೂರು ನಿಜ. ನಮ್ಮಲ್ಲಿರುವ ಎಲ್ಲ ಪುಸ್ತಕಗಳನ್ನೂ ಓದಿ ಮುಗಿಸುವುದು ಅಸಾಧ್ಯವೇ. (ಡಿ ಆರ್ ಅವರಂತವರು ಅಪವಾದ)ಆದರೆ ಅವೆಲ್ಲವನ್ನೂ ಓದಲೇಬೇಕೆಂಬ ತುಡಿತ ಇದ್ದೇ ಇರುತ್ತೆ, ಅದರೊಟ್ಟಿಗೆ ಭಯವೂ ಸಹ. ನಮ್ಮ ವಿವಿಗಳಲ್ಲಿ ನೀವು ಹೇಳಿದ ಭಯ ಹುಟ್ಟಿಸುವ ಓದುಭಯಂಕರ ಗಿರಾಕಿಗಳಿಗೇನೂ ಕೊರತೆ ಇಲ್ಲ. ಹಳ್ಳಿಯಿಂದ ಹೋದ ನಮ್ಮಂತವರಿಗಂತೂ ದಿಗಿಲು ತಪ್ಪಿದ್ದಲ್ಲ. ಆಯ್ದ ಓದು ಉತ್ತಮವಿರಬಹುದೇನೋ.

ಹುಳಿಯಾರ್ ಸರ್, ನೀವು ಹೊಸ ರೀತಿಯ ಭಯವೊಂದನ್ನು ಹುಟ್ಟು ಹಾಕಿದ್ದೀರಿ, ಪುಸ್ತಕಗಳನ್ನು ನೋಡಿದರೇ ಭಯ ಪಡುವ ಜನರೇ ಜಾಸ್ತಿಯಿರುವಾಗ ಓದದ ಪುಸ್ತಕಗಳ ಭಯ!, ಬಹುತೇಕ ಭಯಗಳಂತೆ ಈ ಭಯವೂ ಸಾಂಕ್ರಾಮಿಕವಾದರೆ ಎಷ್ಟು ಚೆನ್ನ ಅಲ್ಲವೇ?